Deuteronomio 22:24 - Maung A Balita Biblia

²⁴ nepeg ya iyakar yo ra ed paway na baley tan diman yo ra tupaken ya anggad ag da ipatey. Samay bii et nepeg a pateyen lapud ag inmeyag a kinmerew na tulong, anggaman a walad baley. Samay laki et nepeg a pateyen lapud akiakdul ed biin akisipanan lan miasawa. Diad ontan, napaandipat yo yan kaogsan.

Maung a Balita Biblia

²⁴ nepeg ya iyakar yo ra ed paway na baley tan diman yo ra tupaken ya anggad ag da ipatey. Samay bii et nepeg a pateyen lapud ag inmeyag a kinmerew na tulong, anggaman a walad baley. Samay laki et nepeg a pateyen lapud akiakdul ed biin akisipanan lan miasawa. Diad ontan, napaandipat yo yan kaogsan.

Deuteronomio 22:24 Referans Kwoze

Deuteronomio 21:14

No diad idalan na panaon et ag yo la labay, nepeg ya ibolus yo la. Bangta pinasoot yon akiakdulan, ag yo nayarin ipasen a sakey ya aripen insan yo ilako.

1 CORINTO 5:2

Insan, mapasirayew kayo ni! Ingen manermen kayo komun tan paekal yo lad moyungan yo itay toon manggagaway inmoralidad.

Mateo 1:24

Kanyan nen abangon si Jose, ginawa to may imbaga na anghil na Katawan. Inkasal toy Maria,

Mateo 1:20

Balet nen nununoten to ya, pinmayawar so sakey ya anghil na Katawan ed kugip to a nankuan: “Jose, a kabyangay boleg nen David, ag ka natatakot ya ituloy mon ikasal si Maria, ta nanlapud pakayari na Ispiritu Santo so lokun to.

Deuteronomio 13:5

Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Genesis 29:21

Insan inkuanen Jacob ed kinen Laban, “Sinmabi lay panaon a pangasawak ed anak ko.”

Deuteronomio 22:23

“No narel a miaakdul so sakey a laki ed sakey a biin akisipanan lan miasawad sananey a laki,

Deuteronomio 22:25

“No walay sakey a lakin pinasoot tod alog so sakey a biin akisipanan lan miasawad sananey a laki, nepeg a pateyen imay lakin amasoot;

Say Libro nen Job 31:11

Mapalalo yan kasalanan tan nepeg a patey so dusa to.

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Deuteronomio 17:7

Saray tasi so ononan mangitupak na saray bato ed samay toon nankasalanan, insan ontombuk iray arum; diad onya napaandipat yo la yan kaogsan.

Ezekiel 16:38

Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.