Deuteronomio 22:21 - Maung A Balita Biblia

²¹ iyakar dad satan ed lolooban na abung nen ama to, tan diman tupaken na saray lalakid siudad ya anggad ag to ipatey. Samay bii et nanggawa na makapabaing ed saray totoo tayo diad impiakdul tod laki kasakbayan na impikasal to, legan a manaayam ni ed abung nen ama to. Diad ontan, napaandipat yo yan kaogsan.

Maung a Balita Biblia

²¹ iyakar dad satan ed lolooban na abung nen ama to, tan diman tupaken na saray lalakid siudad ya anggad ag to ipatey. Samay bii et nanggawa na makapabaing ed saray totoo tayo diad impiakdul tod laki kasakbayan na impikasal to, legan a manaayam ni ed abung nen ama to. Diad ontan, napaandipat yo yan kaogsan.

Deuteronomio 22:21 Referans Kwoze

Deuteronomio 13:5

Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Saray Huis 20:6

Inalak so bangkay to, tinetegteg ko, insan ko impaiyakar so sakey a tegteg ed balang tribu na Israel. Nanggawa ra man a totoo na maoges tan mabanday a bengatla sumpad sikatayo.

Saray Huis 20:10

Say kakaplod saray lalakid Israel et sikaray makaoley a maniter na abasto da ray sondalo; saray arum onla ran manusa ed Gabaa, lapud sayan mabanday a ginawa ra sumpad Israel.”

Deuteronomio 21:21

Insan saray totood siudad tupaken da may anak ya anggad ag to ipatey, et diad ontan napaandi yan kaogsan. Narengelan na amin a totood Israel so agawa et ontakot ira.

Deuteronomio 19:19

nepeg ya awaten toy dusan awaten komun na samay naakusa. Diad onya napaandipat yo la yan kaogsan.

Deuteronomio 17:7

Saray tasi so ononan mangitupak na saray bato ed samay toon nankasalanan, insan ontombuk iray arum; diad onya napaandipat yo la yan kaogsan.

Levitico 21:9

No say anak na pari et magmaliw a marotak a bii, ipelag tod kababaingan so ama to; sayan anak nepeg a poolan ya anggad ag to ipatey.

Deuteronomio 22:24

nepeg ya iyakar yo ra ed paway na baley tan diman yo ra tupaken ya anggad ag da ipatey. Samay bii et nepeg a pateyen lapud ag inmeyag a kinmerew na tulong, anggaman a walad baley. Samay laki et nepeg a pateyen lapud akiakdul ed biin akisipanan lan miasawa. Diad ontan, napaandipat yo yan kaogsan.

Deuteronomio 22:22

“No narel a miaakdul so sakey a laki ed asawa na sakey a laki, nepeg a pateyen ira tan a duan nanakdul. Diad ontan, napaandipat yo yan kaogsan.

Deuteronomio 17:5

ipaway yod baley itan a too tan tupak yo ya anggad ag to ipatey.

Deuteronomio 13:10

Tupak yo ya anggad ompatey! Sinali to kayon iyarawi ed Katawan a Dios yo ya angipaway ed sikayod Egipto ya akaaripenan yo.

Levitico 24:23

Nen nibaga la ya nen Moises ed saray totood Israel, impaway dad kampo may laki tan tinupak da ya anggad inatey. Diad onya saray totood Israel ginawa ra so ingganggan na Katawan ed kinen Moises.

Levitico 24:16

tan pateyen. Siopamay Israelita odino sangkaili a manaayam ed dalin da ray Israelita a mansalita na maoges sumpad Katawan nepeg a tupaken na amin ya Israelita ya anggad ompatey.

Levitico 19:29

“Ag yo ipepelag ed kababaingan iray anak yon bibii lapud panggawa yod sikaran marotak a bibii ed timplo; no gawaen yo ya, onsingger kayo ed arum a diriyos tan say dalin napano na inmoralidad.

Saray Huis 19:23

Balet pinmaway imay masiken tan kuantod sikara, “Aleg, kakaaro! Ag yo kari gagawaen itan a maoges tan mabanday a bengatla! Sangkailik yan tooy wadya.

Saray Huis 20:5

Dinmagon mangalad siak iray lalakin tagad man ed Gabaa, kanyan niliktub dad saman a labi so abung a nampunduan mi. Ginetma da ak a pateyen, balet saman lay asawak so pinasoot tan nanliketan da.

Genesis 38:24

Kasumpal na sakey a taloy bulan, walay angikuan ed kinen Juda, “Walay piaakdulan nen manugang mon si Tamar, ta malokun.” Ingganggan nen Juda, “Ipaway yo, insan yo poolan ya anggad ag to ipatey.”

Deuteronomio 13:6

“Nayarin anggan say agi yon laki, odino say anak yon laki, odino say anak yon bii odino say asawa yon bii ya inararo yo, odino say kaaro yon malmalet et maamut to kayon tanggoyuren a mangigalang ed arum a diriyos ya ag yo ni ran balut inggalang, sikayo tan saray lalaki yo.