Deuteronomio 21:22 - Maung A Balita Biblia

²² “No pinatey so sakey a too lapud ginawa ton ambelat a kasalanan tan imbitin ed sakey a kiew so bangkay to

Maung a Balita Biblia

²² No pinatey so sakey a too lapud ginawa ton ambelat a kasalanan tan imbitin ed sakey a kiew so bangkay to

Deuteronomio 21:22 Referans Kwoze

Saray Gawgawa 26:31

Kapaway da inkuandad sakey tan sakey, “Sayan too anggapoy ginawa ton manepeg a panintinsiaan ed sikato a pateyen o ipriso.”

Saray Gawgawa 23:29

Nalmoan kon nipaakar ed ganggan day ipapakasalanan dad sikato, balet ag to nepeg so pateyen o ipriso lapud saya.

Lucas 23:33

Nen sinmabi rad pasen a tatawagey “Lapis-lapis na Olo,” diman da impasak ed krus si Jesus. Impasak da met ed sansakey a krus ira may duaran kriminal, say sakey diad nikawanan tan say sakey diad nikawigi nen Jesus.

Mateo 26:66

Antoy kuanyo?” Inmebat ira, “Nankasalanan, tan nepeg a pateyen.”

Deuteronomio 22:26

anggapoy nepeg a gawaen ed samay bii, lapud ag nanggaway kasalanan a patey so kanepegan a dusa to. Saya et kapara toy kaso na sakey a lakin angabil na sananey a laki tan pinatey to.

Saray Gawgawa 25:11

No sinumpak so ganggan o nanggawa ak na antokaman a nepeg a pakadusaan koy patey, sipaparaan ak ya ompatey. Balet no anggapoy katwaan da ray ipapakasalanan dad siak, anggapoy makapangipalimad siak ed sikara. Say Impirador so aapirengan ko.”

Marcos 14:64

Nadngel yoy kaogsay salita ton sumpad Dios! Antoy kuanyo?” Nankakasakeyan dan amin a si Jesus et nepeg a pateyen.

2 Samuel 21:9

Impalima ra nen David ed saray totood Gabaon, insan da ra imbibitay ed palandey, diad arap na Katawan—inaatey iran amin a pito. Onggapo lay tiagew tan say panagani na sibada nen pinatey da ra.

2 Samuel 21:6

Kanyan ipalimam ed sikami so pitoran lalakin kabyangay boleg nen Saul, ta ibitay mi rad Gabaa diad arap na Katawan ed palandey to.” “Ipalimak irad sikayo,” ebat na ari.

2 Samuel 4:12

Ingganggan nen David iray sondalo to, et pinatey day Recab tan si Baana. Pinotut da ray lima tan saray sali ra, insan da ra ya insabit ed abay na dipositoy danum ed Hebron. Inala ra may olo nen Isboset, insan da impompon ed lobuk nen Abner diad Hebron.

1 Samuel 26:16

Pinaolyan moy kimey mo, Abner! Diad ngaran na mabilay a Katawan, nepeg yoy pateyen ya amin, ta ag yo inyagel so toon ginawa na Katawan ya ari. Nengneng yo! Iner so kawalaay pika na ari? Iner so kawalaay pananginay danum a walad olowan to?”

Josue 10:26

Insan pinatey nen Josue ira may arari tan insabit tod limaran kiew iray bangkay da ya anggad labi.

Josue 8:29

Insabit tod tagey na kiew so bangkay to may ari na Ai, tan pinaolyan tod man ya anggad mansironget. Nen onseselek lay agew ingganggan nen Josue ya alaen da, insan impaibantak tod lolooban na siudad. Binontonan da na amayamay a bato a wadman ni ra ya anggad natan.

Deuteronomio 19:6

No saksakey so siudad tan arawdawin tuloy a batikan, nayarin say kanayon a makaoley ya ombawid samay impakapatey naabot to may toon akapatey et, diad petang na olo to, napatey to so toon anggapoy kasalanan. Say katwaan to ag nepeg a pateyen imay toon akapatey ta ag to ginagalan pinatey so toon ag to kalaban.

Saray Gawgawa 25:25

Balet anggapoy arumog kon makasengeg no akin et patey so dusa to. Kinerew ton say Impirador so manintinsiad sikato, kanyan ginetmak ibakik.

Saray Bilang 25:4

tan kuantod kinen Moises, “Tipon mon amin iray pangulo na Israel tan, diad pangonur mod siak, patey mo ra ed arap na karaklan et diad ontan onkepa lay pasnuk kod saray totoo.”

Josue 10:27

Diad inselek na agew impaiyepas nen Josue ira may bangkay tan impaibontuk to rad samay ongib ya inamutan da ra may arari. Ankakabaleg a bato so insara da ed sangab na samay ongib, et wadman ni ra ya anggad natan.

Genesis 40:19

Kalabas na taloy agew, ibolus kay ari—balet papotul toy olom! Insan paibitin tod tiken so kabalgan mo, et kanen na saray manok so bangkay mo.”

2 Samuel 21:10

Si Rizpa a biin inyamung nen Saul tan anak nen Aya et angalay sakon kawes, insan inyaplag tod tapew na baton baleg, tan nanayam diman ed kawalaan da ray bangkay manlapud kagapoy panagani ya anggad interter na oran. No agew abulen to ray manok ya onsingger ed saramay bangkay, tan no labi iyagel to rad saray ayayep ed katakelan.