Deuteronomio 20:18 - Maung A Balita Biblia

¹⁸ Patey yo ra, pian ag da kayo tanggoyuren a mankasalanan ed Katawan diad pambangat dad sikayon manggawa na saray amin a makapaingongot a gagawaen da diad panangigalang dad saray diriyos da.

Maung a Balita Biblia

¹⁸ Patey yo ra, pian ag da kayo tanggoyuren a mankasalanan ed Katawan diad pambangat dad sikayon manggawa na saray amin a makapaingongot a gagawaen da diad panangigalang dad saray diriyos da.

Deuteronomio 20:18 Referans Kwoze

Exodo 23:33

Ag yo aabuloyan a manayam ed bansa yo ira man a totoo; no abuloyan yo ra sagyaten da kayon mankasalanan ed siak. No mangigalang kayod saray diriyos da, andi-duaruwan patit ya ed sikayo.”

TAGA-EFESO 5:11

Ag kayo mibabalid andi-kakanaan iran gagawaen na totoon walad bilonget, no ag ingen iparontal yo rad silew.

2 TESALONICA 3:14

No wala bilang so ag mangonur ed saray ibabaga mid sayan sulat, tandaan yo tan ag yo pipiolupan, pian ombaing.

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

1 CORINTO 15:33

Ag kayo patitilaan. “Saray maoges a kaolup deralen day maung a kagagawa.”

Josue 23:13

andiduaruwan ag la ra pabatiken na Katawan a Dios yo legan yon lolooban iray dalin da. Ingen, magmaliw iran singa patit o kalut ed sikayo odino singa ra ansakit a bakbak ed beneg yo odino sabit ed mata yo. Et mansiansia yan anggad anggapoy nakeraan ed sikayo ed sayan maung a dalin ya inter ed sikayo na Katawan a Dios yo.

Exodo 34:16

Saray lalakin anak yo et asingger a mangasawa ra na saray bibiin anak da, et natanggoyur da ran ombeneg ed siak tan mangigalang ed saray diriyos da.

1 Timoteo 6:5

tan naynay a sangsangan na saray totoon pikewet so kanunotan tan ag mamirbir ed katwaan. Abaloan dan say rilihion et sakey ya anapan.

Saray Huis 2:3

Kanyan ibabagak ed sikayo natan ya ag ko pataynanen ira yan totoo legan yon mankukurang. Magmaliw iran kalaban yo, tan napatitan kayo ed pangigalang ed saray diriyos da.”

Deuteronomio 18:19

Sikatoy mansalita ed ngaran ko, tan dusaen koy siopaman ya ag mangonur ed sikato.

Exodo 34:12

Ag kayo misisipanan ed saray totood bansa a laen yo, ta nayarin patit ya ed sikayo.

Deuteronomio 9:5

Say Katawan et pakakayaryan tod sikayo so dalin da, aliwan lapud maung kayon totoo tan gagawaen yo so katunongan. Pataynanen to ra lapud maoges ira tan lapud labay ton tooren imay insipan tod saray lalaki yo ya Abraham, Isaac, tan Jacob.

Deuteronomio 20:17

Sigput yon pateyen iray amin a totoo: saray Heteo, saray Amorreo, saray Cananeo, saray Pereseo, saray Heveo, tan saray Jebuseo, onung na ingganggan ed sikayo na Katawan.

Deuteronomio 20:19

“No manadakep kayo na siudad, ag yo babatangen iray kakiewan to, anggaman a mabaybayag so pibakal yo. Akan yoy bunga ra, balet ag yo ra dederalen; ag yo ra kalaban.

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

Exodo 23:32

Ag kayo misisipanan ed sikara odino anggan diad saray diriyos da.

Deuteronomio 18:9

“No onsabi kayod dalin ya iiter ed sikayo na Katawan a Dios yo, ag yo aaligen iray makapaingongot ya ogali na saray bansan wadman la.