Deuteronomio 2:7 - Maung A Balita Biblia

⁷ “Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

Maung a Balita Biblia

⁷ Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

Deuteronomio 2:7 Referans Kwoze

Lucas 22:35

Insan inkuanen Jesus ed sikara, “Nen imbaki ta kayo ya anggapoy awit yon pitaka, bayung, o sapatos, wala tay anggan antokaman a kinulangan yo?” “Anggapo,” ebat da.

Nehemias 9:21

Diad apataploy taon ya impanayam dad kalawakan initdan mo ray amin a nakaukolan da; ag balut dinmaan so kawes da, tan ag linmarag ed sakit so sali ra.

Deuteronomio 29:5

Say Katawan inwanwan to kayod a kalawakan et ag balut dinmaan iray kawes tan saray sandalya yo.

Saray Salmo 31:7

Manliket tan manggayaga ak, lapud ag mangoman a panangarom. Nanenengneng moy paniirap ko; amtam so kagugunigon ko.

Say Libro nen Job 23:10

Anggaman ontan amta toy kurang ko; no sobuken to ak narumog ton malinis so panagbilay ko.

Saray Salmo 90:17

Katawan a Dios mi, bindisionan mo kami pa. Paaligwas mo kami pad amin a gagawaen mi!

Genesis 26:12

Tinaneman nen Isaac iman a dalin, tan diad saman a taon akaani na maminlasus a kinarakel ed samay intanem to, lapud binindisionan na Katawan.

Genesis 24:35

“Binindisionan a maung na Katawan so amok tan ginawa ton mayaman. Initdan toy amayamay a karniro, kanding, baka, pilak, balituk, lalaki tan bibiin aripen, kamilyo, tan asno.

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 39:5

Nanlapud saman, binindisionan na Katawan so sankapamilyaan nen Potifar, lapud kinen Jose. Binindisionan na Katawan ya amin iray walad abung to tan amin a walad saray kaalogan to.

Juan 10:27

Ondedengel na bosis ko ray karnirok. Amtak ira tan totombuken da ak.

Saray Salmo 1:6

Say Katawan iwawanwan tan iyaagel to so toon matonung, balet nabalang ya anggad angga so toon maoges.

Genesis 30:27

Inkuanen Laban ed sikato. “Niay nibagak; inaral koy panagparles, et naamtaan kon binindisionan ak na Katawan lapud sika.

Saray Bilang 14:33

Apataploy taon a manakar-akar ed kalawakan iray anak yo, manirap ira lapud aliwa kayon matoor ed siak; manakar-akar ira ya anggad ompatey so kaonuran a mabilay ed sikayo.

Saray Bilang 14:34

Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

Saray Bilang 32:13

Akapasnuk so Katawan ed saray totoo tan impanakar-akar to ran apataploy taon ed kalawakan ya anggad inaatey iray amin a kabyangan na saman a kailalakan a sinmumpad sikato.

Deuteronomio 1:19

“Ginawa tayo so ingganggan ed sikatayo na Katawan a Dios tayo. Tinaynan tayo so Palandey na Sinai tan bineltang tayoy maawang tan makapataktakot a kalawakan diad inyakar tayod kapokdulan a dalin da ray Amorreo. Nen asabi tayoy Cades-barnea,

Deuteronomio 1:46

“Kanyan sirin, kayari na abayag tin impanayam ed Cades,

Deuteronomio 2:6

Nayarian yoy mansaliw na kakanen tan danum ed sikara.’

Deuteronomio 2:14

Talomplo tan walo tan taon ed saman so linmabas kayariy intaynan tayo manlapud Cades-barnea. Inaatey lan amin iray lalakin bumabakal ed saman a kailalakan, onung na imbaga na Katawan a pansumpalan da.

Saray Salmo 107:4

Saray arum nanakar-akar irad anggapoy basbas a kalawakan, tan ag da narumog so dalan a mamaarap ed sakey a siudad a panayaman da.

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Oseas 13:5

Tinalima ta kayo nen wala kayod kalawakan ya anggapoy danum.

Amos 2:10

Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.

Genesis 39:3

Anengneng na amo to a walad si Jose so Katawan, tan maung so pansusumpalay amin a gagawaen to.

Exodo 16:35

Saray Israelita nantagano ra na mana ed loob na apataploy taon, ya anggad asabi ray dalin na Canaan a dimay nanayaman da. (

Saray Bilang 1:1

Diad ononan agew na kumadwan bulan na kumadwan taon na intaynan manlapud Egipto na saray Israelita, say Katawan akisalitad kinen Moises diad dalem na Tuldan Ayaman to diad kalawakan na Sinai. Inkuanto,

Saray Bilang 22:12

Say Dios kuantod kinen Balaam, “Ag ka mimilad sarayan totoo, tan ag mo isasamba ray Israelita, ta walad sikara so bindision ko.”

Deuteronomio 29:4

Balet anggad natan ag to ni impatalus ed sikayo so kabaliksan na saraman ya asalsali yo.