Deuteronomio 2:37 - Maung A Balita Biblia

³⁷ Balet ag tayo sinmingger ed dalin da ray Ammonita odino linmad saray gilig na Ilog na Jaboc odino diad saray baley ed kapokdulan a dalin odino diad saray arum a pasen a say Katawan a Dios tayo et insebel ton laen tayo.

Maung a Balita Biblia

³⁷ Balet ag tayo sinmingger ed dalin da ray Ammonita odino linmad saray gilig na Ilog na Jaboc odino diad saray baley ed kapokdulan a dalin odino diad saray arum a pasen a say Katawan a Dios tayo et insebel ton laen tayo.

Deuteronomio 2:37 Referans Kwoze

Deuteronomio 3:16

Diad saray tribu di Ruben tan Gad impabetang ko so dalin a manlapud Galaad ya anggad ilog na Arnon. Say pegley na ilog so ketegan dad abalaten, tan say ketegan dad baybay et say Ilog na Jaboc a say parti to et say ketegan da ray Ammonita.

Saray Bilang 21:24

Balet saray Israelita apatey da ray amayamay a kalaban da tan nanayaman day dalin da manlapud Ilog na Arnon ya anggad Jabok a kawalaan da ray Amonita lapud mabiskeg so ketegen da.

Genesis 32:22

Diad saman lamlamang a labi, binmangon si Jacob, intagar to ra may duaran asawa to, saramay duaran inamung ton aripen a bibii, tan saramay labinsakey ya anak to, insan da binaliw so Ilog na Jabok.

Deuteronomio 2:19

Asingger kayo lad satan ed dalin da ray Ammonita, saray kabyangay boleg nen Lot. Ag yo ra gugunigonen; ag yo igagapoy mibakal ed sikara, lapud ag ta kayon balut itdan na parti na dalin ya inter ko lad sikara.’” (

Josue 12:2

Say sakey ya ari et si Sehon, say Amorreon ari a nanoley ed Hesbon. Sakop na nanarian to so kapaldua na Galaad: manlapud Aroer (a walad gilig na Patar na Arnon) tan manlapud siudad a walad pegley na saman a patar, ya anggad Ilog na Jabok a ketegan na Amon;

Saray Huis 11:15

onyay impaiyebat tod sikara: “Aliwan tua a say Israel et ginamgam toy dalin na Moab odino say dalin na Ammon.

Deuteronomio 2:9

Say Katawan kuantod siak, ‘Ag yo gugunigonen iray totood Moab, saray kabyangay boleg nen Lot; ag yo igagapoy mibakal ed sikara. Inter ko lad sikara so siudad na Ar, tan ag ta kayo itdan na anggan anton parti na dalin da.’” (

Deuteronomio 2:5

balet ag yo igagapoy mibakal ed sikara, lapud ag ta kayo itdan na anggan sansankarangan a dalin da. Inter ko lay dalin na Edom ed saray kabyangay boleg nen Esau.

Saray Huis 11:22

Nanayaman day amin a dalin na saray Amorreo manlapud Armon diad abalaten ya anggad Jabok diad baybay tan manlapud kalawakan diad bokig ya anggad Jordan diad sagur.