Deuteronomio 2:36 - Maung A Balita Biblia

³⁶ Say Katawan a Dios tayo et inabuloyan to itayon anakep ed amin da ray baley a manlapud Aroer, a walad samput na patar na Arnon, tan manlapud siudad ed pegley na saman a patar ya anggad Galaad. Anggapoy siudad ya ag tayo ayarian so padir to.

Maung a Balita Biblia

³⁶ Say Katawan a Dios tayo et inabuloyan to itayon anakep ed amin da ray baley a manlapud Aroer, a walad samput na patar na Arnon, tan manlapud siudad ed pegley na saman a patar ya anggad Galaad. Anggapoy siudad ya ag tayo ayarian so padir to.

Deuteronomio 2:36 Referans Kwoze

Josue 13:9

Sakop na dalin da so anggad Aroer (a walad gilig na patar na Arnon) tan say siudad ed pegley na saman a patar tan sakop to met so intiron niatagey a patar manlapud Medeba ya anggad Dibon.

Deuteronomio 4:48

Sayan dalin et manlapud baley na Aroer diad gilig na Ilog na Arnon, tan mamaarap ed baybay ya anggad Palandey na Sirion, salanti say Palandey na Hermon.

Deuteronomio 3:12

“Nen nala tayo lay dalin, impabetang kod saray tribu di Ruben tan Gad so pasen a baybay na baley na Aroer diad asingger ed Ilog na Arnon tan say parti na kapokdulan a dalin na Galaad a pati saray baley to.

Saray Salmo 44:3

Saray totoom ag da sinamsam so dalin diad panamegley na saray ispada ra; ag da dinakep diad panamegley na dilin pakayari ra. Sinamsam da diad panamegley na dilin pakayarim tan biskeg mo, diad panamegley na kiwawalam ed pegley da, ya angipanengneng ya inarom ira.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Jeremias 48:19

Sikayon manaayam ed Aroer, manalagey kayod gilig na dalan tan manalagar kayo; tepetan yo ray ontataynan no antoy agawa.

Isaias 17:2

Nakaindan ya anggad angga iray siudad na Siria. Magmaliw iran pastolan na saray karniro tan saray baka, et anggapoy mangablug ed saraya.

Josue 13:16

Sakop na dalin da so Aroer (a walad gilig na Patar na Arnon) tan say siudad ed pegley na saman a patar tan sakop to met so intiron niatagey a patar ed kaliber-liber na Medeba.

Josue 12:2

Say sakey ya ari et si Sehon, say Amorreon ari a nanoley ed Hesbon. Sakop na nanarian to so kapaldua na Galaad: manlapud Aroer (a walad gilig na Patar na Arnon) tan manlapud siudad a walad pegley na saman a patar, ya anggad Ilog na Jabok a ketegan na Amon;

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Exodo 23:31

Ipasabik iray ketegan na dalin yo manlapud Dayat ya Akaba ya anggad Ilog na Eufrates, tan manlapud Dayat na Mediteraneo ya anggad kalawakan. Paoleyan kod sikayo ray amin a totoon manaayam ed dalin na Canaan tan pagiten yo ra legan na pankukurang yo.

Saray Bilang 32:34

Saray kabyangay tribu nen Gad et pinasimbalo ran impaalagey iray pinadir a baley na Dibon, Atarot, Aroer,

Saray Huis 11:22

Nanayaman day amin a dalin na saray Amorreo manlapud Armon diad abalaten ya anggad Jabok diad baybay tan manlapud kalawakan diad bokig ya anggad Jordan diad sagur.

Saray Huis 11:26

Talon lasus taon a nanayam so Israel ed Hesbon tan Aroer, tan diad saray kaliber-liber dan baley, tan diad amin a siudad ed gilig na Ilog na Armon. Akin et ag mo ra binabawi ed loob to man a panaon?

2 Samuel 24:5

Binaliw day Jordan, insan ira nankampo ed abalaten na Aroer, say siudad a walad pegley na patar, diad sakop na dalin nen Gad. Manlapud sayan lugar, linma rad baybay na Jazer,

2 Saray Arari 10:33

diad bokig na Jordan, ya anggad mampaarap ed abalaten diad baley na Aroer ya abay na Ilog na Arnon—pati dalin na Galaad tan Basan a panaayaman na saray kabyangay tribu di Gad, Ruben, tan Bokig a Manases.

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.