Deuteronomio 2:29 - Maung A Balita Biblia

²⁹ ombaliw ed Ilog na Jordan ya anggad pakasabi mid dalin ya iter ed sikami na Katawan a Dios mi. Saray kabyangay boleg nen Esau a manaayam ed Edom, tan saray Moabita a manaayam ed Ar et inabuloyan da kamin dinmalan ed dalin da.’

Maung a Balita Biblia

²⁹ ombaliw ed Ilog na Jordan ya anggad pakasabi mid dalin ya iter ed sikami na Katawan a Dios mi. Saray kabyangay boleg nen Esau a manaayam ed Edom, tan saray Moabita a manaayam ed Ar et inabuloyan da kamin dinmalan ed dalin da.

Deuteronomio 2:29 Referans Kwoze

Saray Bilang 20:18

Balet inmebat iray Edomita, “Ag mi kayo abuloyan ya ondalan ed bansa mi! No ituloy yoy ondalan dogpaen mi kayon bakalen.”

Deuteronomio 25:15

Ikana yo so tua tan dugan simbangan tan sukatan, pian andokey so pambilay yo ed dalin ya iiter ed sikayo na Katawan a Dios yo.

Deuteronomio 9:6

Andi-duaruwa sirin a say Katawan et iter tod sikayo man a mataban dalin aliwan lapud kanepegan yo. Andi, ta totoo kayon mananumlang.

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Deuteronomio 4:21

Lapud sikayo akapasnuk ed siak so Katawan a Dios yo tan imbagabaga ton ag ak makabaliw ed Ilog na Jordan ya onloob ed mataban dalin ya iter tod sikayo.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 2:9

Say Katawan kuantod siak, ‘Ag yo gugunigonen iray totood Moab, saray kabyangay boleg nen Lot; ag yo igagapoy mibakal ed sikara. Inter ko lad sikara so siudad na Ar, tan ag ta kayo itdan na anggan anton parti na dalin da.’” (

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Genesis 19:37

Nananak na laki may pangulowan, tan inngaran to na Moab; sikatoy sengeg ya anggad natan na saray Moabita.

Deuteronomio 1:8

Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.’”

Deuteronomio 23:5

Balet say Katawan a Dios yo et ag to dinengel si Balaam; impagmaliw to ni ingen a bindision imay samba, lapud inaro to kayo.