Deuteronomio 19:17 - Maung A Balita Biblia

¹⁷ nepeg ya onla ran dua ed samay pasen a panangigalangan, tan sintinsiaan ira na saray pari tan saray huis a peles dan manlilingkur.

Maung a Balita Biblia

¹⁷ nepeg ya onla ran dua ed samay pasen a panangigalangan, tan sintinsiaan ira na saray pari tan saray huis a peles dan manlilingkur.

Deuteronomio 19:17 Referans Kwoze

Deuteronomio 17:9

tan iparontal yoy kaso yo ed saray Levitan papari tan diad huis ya akayorung ed saman a panaon, ta sikaray panintinsia yo.

Deuteronomio 21:5

Onla met irad may Levitan papari, lapud sikaray manintinsia ed kason walay apasakitan odino adesiang. Say Katawan a Dios yo et pinili to ran manlingkur ed sikato tan mamindision ed ngaran to.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Exodo 22:8

Balet no ag narel so nantakew, say toon angisinup na kayaryan et nepeg ya iyakar ed pasen a panangigalangan tan diman mansamba ya ag to tinakew so kayaryan na toon akipaknaan to.

Deuteronomio 25:1

“Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?

Ezekiel 44:24

No walay kolkolan na totoo, saray papari so manintinsia onung ed saray ganggan ko. Nepeg a mansilibra ra onung na ibabagay ganggan tan saray totontonen, tan nepeg a ngilinan dan masanto so Agew na Panagpainawa.

Exodo 21:6

say amo tod satan awiten tod pasen a panangigalangan. Diman say amo pasaralen to may aripen ed puirta odino diad lusek na puirta, insan to tebengan ed layag. Diad ontan magmaliw lan aripen to ya anggad ag to ipatey.

Deuteronomio 16:18

“Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.