Deuteronomio 19:15 - Maung A Balita Biblia

¹⁵ “Kulang so sakey a tasi a mamaneknek a nankasalanan so toon naakusa; duara odino taloran tasi so nakaukolan.

Maung a Balita Biblia

¹⁵ Kulang so sakey a tasi a mamaneknek a nankasalanan so toon naakusa; duara odino taloran tasi so nakaukolan.

Deuteronomio 19:15 Referans Kwoze

Saray Bilang 35:30

“Say toon naakusa lapud impakapatey toy too et nayari labat a sintinsiaan a nankasalanan tan pateyen diad panamegley na pantasi na duara odino masoluk a duaran too; say sakey a tasi et aliwan magenap a mamaneknek na impakapatey ed sakey a too.

2 CORINTO 13:1

Kumatlo la yan iyakar kod sikayo. “Antokaman a dalem, nepeg a paneknekay duara o taloran tasi,” onung na ibabagay Masanton Sulat.

Deuteronomio 17:6

Balet nayari labat a pateyen no walay duara odino dakel nen say duara a mantasin sumpad sikato; ag nepeg a pateyen no saksakey so mantasi.

Saray Hebreo 10:28

Pateyen ya anggapoy panangasi so siopaman ya ag mangonur ed Ganggan nen Moises no, lapud pantasi na duara o talora, et nalmoan a nankasalanan.

Mateo 18:16

Balet no ag to ka dengelen mangitagar kay sakey o duaran totoo, pian napaneknekan na duara o taloran tasi ray amin a pantongtongan yo.

1 Timoteo 5:19

Ag mo aawatey dalem a sumlang ed sakey a matakken no ag tasiay duara o taloran too.

Juan 8:17

Sakey ni, nisulat ed Ganggan yo a no mantukoyay pantasiy duaran too, tuay pantatasi ra.

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

1 Saray Arari 21:10

Mangala kayoy duaran luko-lukon lalaki, paalagey yo rad arap nen Nabot, insan akusaen dan aayewen toy Dios tan say ari. Ipaway yod satan ed siudad, insan yo tupaken ya anggad ompatey.”

Juan 7:51

“Ag ta isesebel na Ganggan so panintinsiad sakey a toon ag ni atepetan tan ag ni amtay gagawaen to?”