Deuteronomio 19:13 - Maung A Balita Biblia

¹³ Ag yo kakasian. Paandipat yo yan managpatey na too, pian maung lawas so kipapasen yo.

Maung a Balita Biblia

¹³ Ag yo kakasian. Paandipat yo yan managpatey na too, pian maung lawas so kipapasen yo.

Deuteronomio 19:13 Referans Kwoze

1 Saray Arari 2:31

“Gawam so imbaga nen Joab,” ebat nen Solomon. “Patey mo tan ipompon mo. Diad satan anggapo lay ebatan ko tan siopaman nin kabyangay boleg nen David, lapud samay ginawa nen Joab nen pinatey to ray totoon anggapoy kasalanan.

Deuteronomio 21:9

Kanyan diad panumpal yod pagagawa na Katawan, ag kayo napakasalanan ed sayan impamatey.

Deuteronomio 7:16

Deral yo ray amin a bansa ya ipatalo ed sikayo na Katawan, tan ag yo ran balut kakasian. Ag yo igagalang iray diriyos da, ta patit ya ed sikayo.

Deuteronomio 7:2

No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Ezekiel 16:5

Anggapoy anggan sakey ya angasi a nanggawad sika na anggan dinan ed saraya. Nen nianak ka, anggapoy angarod sika. Nibantak ka ed pegley na alog.

2 Samuel 21:14

Insan da impompon iray pokel di Saul tan Jonatan diad lobuk na ama nen Saul a si Kis a taga Zela, diad pasen a nasasakopan nen Benjamin; ginawa ray amin ya ingganggan na ari. Kayari to ya, dinengel na Dios iray pikakasi ran para bansa.

Deuteronomio 25:12

ag yo kakasian itan a bii; potut yoy lima to.

Deuteronomio 13:8

Balet ag yo aabuloyan a natanggoyur to kayo; ag yo anggan dedengelen. Ag yo kakasian o aabageyen, tan ag yo iyaagel.

Levitico 24:21

Siopamay amatey na ayep na kapara ton too nepeg a salatan to, balet siopamay mamatey na kapara ton too, nepeg a pateyen.

Levitico 24:17

“Siopamay mamatey na kapara ton too, nepeg a pateyen,

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

Deuteronomio 19:12

Saray pangulo na baley to et paawit da, insan da ipalima ed kanayon a makaoley ya ombawid samay impamatey, ta pateyen to.

Deuteronomio 19:21

Diad ontan a nagawa ag kayo mangiiter na panangasi; no antoy inutang sikatoy ibayar; say bilay bayaran na bilay; say mata bayaran na mata; say ngipen bayaran na ngipen; say lima bayaran na lima; tan say sali bayaran na sali.

2 Samuel 14:7

Natan balet, kalaban ak na amin a kakanayon ko, tan labay dan ipalimak ed sikara may sakey ya anak ko, pian napatey da lapud pinatey toy agi to. No gawaen da ya, magmaliw ya anggapoy anak ko! Ekalen day samput a kawalaay ilalok, tan paandian day asawak na anak a mangituloy na ngaran to diad tapew na dalin.”

Saray Bilang 35:31

Say toon mamatey na kapara ton too et nepeg a pateyen. Ag nayarin paliisan toy dusa na kasalanan to diad pambayar to na kuarta.