Deuteronomio 19:12 - Maung A Balita Biblia

¹² Saray pangulo na baley to et paawit da, insan da ipalima ed kanayon a makaoley ya ombawid samay impamatey, ta pateyen to.

Maung a Balita Biblia

¹² Saray pangulo na baley to et paawit da, insan da ipalima ed kanayon a makaoley ya ombawid samay impamatey, ta pateyen to.

Deuteronomio 19:12 Referans Kwoze

Exodo 21:14

Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.

Deuteronomio 19:11

“Balet antoy gawaen no bilang say sakey a too et ginagala ton pinatey so kalaban to, insan ombatik ya onsalimbeng ed sakey ed sarayan siudad?

Deuteronomio 19:13

Ag yo kakasian. Paandipat yo yan managpatey na too, pian maung lawas so kipapasen yo.

2 Samuel 14:7

Natan balet, kalaban ak na amin a kakanayon ko, tan labay dan ipalimak ed sikara may sakey ya anak ko, pian napatey da lapud pinatey toy agi to. No gawaen da ya, magmaliw ya anggapoy anak ko! Ekalen day samput a kawalaay ilalok, tan paandian day asawak na anak a mangituloy na ngaran to diad tapew na dalin.”

Genesis 9:5

Nadusa so siopaman a mamatey na too. Dusaen ko na patey so anggan anton ayep a mamatey na too.

Deuteronomio 27:24

“‘Napelag komun so samba na Dios ed siopaman a maamut a mamatey na too.’ “Insan onebat iray amin a totoo, ‘Amen!’