Deuteronomio 18:20 - Maung A Balita Biblia

²⁰ Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.’

Maung a Balita Biblia

²⁰ Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.

Deuteronomio 18:20 Referans Kwoze

Jeremias 27:15

Say dilin Katawan so angibaga ya ag to ra imbaki tan diad ngaran to titilaan da kayo. Kanyan sirin, pataynanen to kayo tan napatey kayo, sikayo tan saray propitan mantitilad sikayo.”

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Zacarias 13:3

No ipasoot na siopaman so mampropisiya, say dilin ama tan ina to so mangibagad sikaton sikatoy nepeg a pateyen, lapud ipapasen ton sasalitaen toy salitay Katawan, balet ta mantitila. No mampropisiya say dilin ama tan ina to so manaksak ed sikato ya anggad ag to ipatey.

Ezekiel 13:6

Tila ray pasingayew tan saray pasakbay da. Ibabaga ra a saray salitak so ibabawag da, balet diad tuay tua ag ko ra imbaki. Balet iilaloan dan ontua ray salita ra.

Jeremias 23:31

Sumpa ak met ed saray propita a salitaen da ray dilin salita ra, insan da ipasen a nanlapud siak ira yan salita ra.

Jeremias 2:8

Ag tinepet na saray papari, ‘Kawa-laan na Katawan?’ Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.”

1 Saray Arari 18:27

Nen kaagewan la ginapwan nen Elias a lureyen ira, “Ikasil yoy mampikasi! Sikatoy sakey a dios! Ompano mankokogip, odino mampapainawa, odino walay nila to! Odino ompan nanaogip, kanyan nepeg yon bangonen!”

2 Pedro 2:12

Balet sarayan totoo et singa ra atap ya ayayep ya anggapoy kalakal, tan nianak iran eerelen tan papateyen. Dederalen da ray ag da natalusan. Kanyan naderal iran singa atap ya ayayep.

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

1 Saray Arari 18:19

Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

Deuteronomio 17:12

Nepeg a pateyen so siopaman a manumlang ed sintinsia na huis odino pari a manlilingkur ed saman a panaon; diad onya napaandipat yo yan kaogsan ed Israel.

Deuteronomio 18:21

“Nayarin mankelaw kayo no panoy pakapangibaga yo ya ag nanlapud Katawan so salita na sakey a propita.

Deuteronomio 18:22

No mansalitad ngaran na Katawan so sakey a propita balet ag ontuay salitaen to, ag nanlapud Katawan so salita to. Satan a propita et nansalita ed pakayari ton dili, kanyan nepeg ya ag yo takotan.

Jeremias 23:30

Sumpa ak ed saray propitan ikana da ray salita na kapara ran propita, insan da ipasen a salitak ira.

Jeremias 26:11

Insan saray papari tan saray propita kuandad saray pangulo tan saray totoo, “Sayan too kanepegan toy pateyen lapud nansalita sumpad siudad tayo. Sikayon dili so akadngel ed sikato.”

Deuteronomio 13:6

“Nayarin anggan say agi yon laki, odino say anak yon laki, odino say anak yon bii odino say asawa yon bii ya inararo yo, odino say kaaro yon malmalet et maamut to kayon tanggoyuren a mangigalang ed arum a diriyos ya ag yo ni ran balut inggalang, sikayo tan saray lalaki yo.

Saray Huis 2:15

Kapag onla ran mibakal, sumpad sikara so Katawan onung na sinambaan to lan gawaen to. Mapalaloy inkairapan da.

1 Saray Arari 13:19

Kanyan akilad samay masiken a propita imay propitan taga Juda, insan ira dinmongo.

Zacarias 13:2

Diad satan a panaon ekalen kod bansa so kangaranan da ray talintaoy diriyos, et anggapo lay siopaman a makanunot ed sikara. Paekalen kod dalin so siopaman a mangibagan sikato et propita tan ekalen koy pampilalek da ray totoo ed pangigalang ed saray talintaoy diriyos.