Deuteronomio 17:20 - Maung A Balita Biblia

²⁰ Diad onya ag to isipen ya atagey niy kipapasen to nen saray kapara ton Israelita tan niyarawi ed panumlang tod saray ganggan na Katawan diad anggan anton polaing. Diad ontan ombayag so panoley tod Israel, tan kapag onsalat a manoley et manlapud boleg to.

Maung a Balita Biblia

²⁰ Diad onya ag to isipen ya atagey niy kipapasen to nen saray kapara ton Israelita tan niyarawi ed panumlang tod saray ganggan na Katawan diad anggan anton polaing. Diad ontan ombayag so panoley tod Israel, tan kapag onsalat a manoley et manlapud boleg to.

Deuteronomio 17:20 Referans Kwoze

1 Saray Arari 15:5

Ginagawa ya na Katawan, lapud ginawa nen David iray makapaliket ed sikato tan ag ton balut sinumlang iray ganggan to, likud ed samay ginawa to ed Urias a Heteo.

Deuteronomio 5:32

“Sikayo ran totood Israel pampelengan yon sumpalen iray amin ya ingganggan na Katawan a Dios yo. Ag yo susumlangen so anggan dinan a ganggan to.

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.

2 CORINTO 12:7

Balet pian ag ak lalon mampaatagey lapud saray impuyan ed siak na Dios a makapakelaw iran bengatla, naitdan ak na sakit a liliknaey laman ko, a pinagkalewet nen Satanas a pamairap tod siak, pian ag ak magmaliw a mapaatagey.

Habacuc 2:4

Et sikato ya so kuanko: ‘Saray maoges a totoo et ag ira makapaliis ed patey, balet saray matonung mambilay ira lapud matoor ira ed Dios.’”

Ecclesiastes 8:13

balet ag ya nagawa ed saray totoon maoges, singa anino so bilay da, tan ompatey iran masakbay, lapud ag da oonuren so Dios.”

Probirbio 27:24

ta ag mansiasia so kayamanan. Anggan saray bansa ag ira mansiansia.

Probirbio 10:27

Makaparokey na bilay so pangigalang ed Katawan. Saray totoon maoges ompatey ira kasakbayay panaon da.

Saray Salmo 132:12

No tooren na saray anak mo so impisipanan ko, tan onuren da ray ganggan ya ibangat kod sikara, onsalat met a manari ya anggad angga iray anak da.”

Saray Salmo 19:11

Iitdan to ak ya aripen mo na kakabatan; natutumangan ak diad pangoonur ko.

2 Saray Awaran 34:27

nampatauli ka tan nampaabeba kad siak; ginebyas moy kawes mo tan manakakis ka nen nadngelan mo no panoy panusak ed Jerusalem tan saray totoon manaayam diman. Nadngel koy pikakasim,

2 Saray Awaran 33:23

Balet ag to inalig si ama ton nampaabeba tan inmasingger ed Katawan; mapalalo niy ginagawa ton kaogsan nen si ama to.

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

2 Saray Awaran 33:12

Nampaabeba nen maniirap, inmasingger ed Katawan a Dios to, insan kinmerew na tulong.

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.

2 Saray Awaran 25:19

Sika, Amasias, ipapantam a tinalom la ray Edomita, balet ibabagak ed sika natan ya ag ka la onaalis ed nanarian mo. Akin et mangigagapo ka niy golo a pakaderalan mo tan saray totoom?”

2 Saray Arari 14:10

Natan sika, Amasias, tinalom la ray Edomita, kanyan mapaatagey ka la. Panliketan mo la tay inkabantug mo tan ditan ka lad nanarian mo. Akin et mangigagapo ka niy golo a pakaderalan mo tan saray totoom?”

2 Saray Arari 10:30

Inkuan na Katawan ed kinen Jehu, “Ginawam ed saray kabyangay boleg nen Acab iray bengatlan labay kon nagawa. Kanyan isipan kod sika a manarid Israel iray kabyangay boleg mo ya anggad kumapat a kailalakan.”

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

1 Saray Arari 11:34

Balet ag ko ekalen so intiron nanarian ed kinen Solomon, tan pansiansiaen kon manoley legan ton mambibilay, lapud kinen pinilik a David ya aripen kon angonur na saray ganggan tan saray bilin ko.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

Deuteronomio 17:11

Awat yo so sintinsia ra tan apiager yon sumpalen so pagagawa ra.

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Deuteronomio 12:28

Pampelengan yon onuren iray amin ya ingganggan kod sikayo, et anggad angga a maung lawas so kipapasen yo, sikayo tan saray kabyangay boleg yo, lapud matonung tan makapaliket ed Katawan a Dios yo so gawaen yo.

Deuteronomio 12:25

No onuren yo yan ganggan, napaliket so Katawan, et maung lawas so kipapasen yo tan saray kabyangay boleg yo.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Deuteronomio 4:2

Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Saray Salmo 119:102

Ag ko inkaindan iray bilibilin mo, tan sikan diliy bumabangat ko.

1 Samuel 10:25

Impaliwawa nen Samuel ed saray totoo iray kanepegan tan saray kimey na sakey ya ari, insulat to rad sakey a libro, tan insinup to ed sakey a masanton pasen. Insan to la pinasempet iray totoo ed kaabungan da.

2 Samuel 22:23

Inonur koy amin a ganggan to; ag ko impolisay iray bilibilin to.

1 Saray Arari 2:3

sumpal moy amin ya iganggan ed sika na Katawan a Dios mo. Toluk mon amin iray ganggan tan bilin to onung na nisulat ed Ganggan nen Moises, pian onaligwas ka ed antokaman a gawaen mo, inerman so laen mo.

1 Saray Arari 15:3

Ginawa to ray kasalanan a ginagawa nen ama to tan aliwan sigput a matoor ed Katawan a Dios to; ag to naaligan si laki tod dapan a si David.