Deuteronomio 17:17 - Maung A Balita Biblia

¹⁷ Say ari ag nepeg ya amayamay iray asawa to, ta sikato yay makasengeg na iyarawi tod Katawan; nepeg ya ag mampayaman na pilak tan balituk.

Maung a Balita Biblia

¹⁷ Say ari ag nepeg ya amayamay iray asawa to, ta sikato yay makasengeg na iyarawi tod Katawan; nepeg ya ag mampayaman na pilak tan balituk.

Deuteronomio 17:17 Referans Kwoze

Nehemias 13:26

Inkuankod sikara, “Saray bibiin taga arum a bansa so makasengeg na impankasalanan nen Ari Solomon, anggaman a matalonggaring ni nen saray ararid arum a bansa, tan anggaman a diad panangaro na Dios ed sikato ginawa ton ari ed intiron Israel, apattak ed sayan kasalanan.

Mateo 19:5

Tan inkuay Dios, ‘Sikato yay makasengeg a taynan na laki so ama tan ina to tan iyamung toy asawa to, tan mankasakey iran dua.’

Saray Salmo 62:10

Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Genesis 2:24

Sikato ya sirin so makasengeg no akin et taynan na laki so ama to tan say ina to tan mikasakey ed asawa to, et magmaliw iran saksakey a laman.

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

1 Timoteo 6:9

Balet saray totoon mampipilalek ya onyaman, napepelag irad tukso tan napapatitan ira na andi-kakanaan tan makaderal iran likeliket a mangitatabuy ed sikara diad kaderalan tan kabagbagan.

Lucas 12:15

Insan inkuantod sikaran amin, “Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.”

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

1 Saray Arari 10:21

Balituk ya amin iray kupa nen Solomon, tan puron balituk ya amin iray ikakana ed baleg a kuarton tatawagey Takel na Libano. Anggapoy pilak ya inkana, ta diad panaon nen Solomon aliwa nin mabli so pilak.

2 Samuel 5:13

Kaalis nen David manlapud Hebron, angyamung ni tan angasawa ni na pigaran bibii ed Jerusalem, kanyan dinmakel iray anak ton bibii tan lalaki.

2 Samuel 12:11

Tandaan mo, dagdagen ko a manngunigon ed sika so sakey a kabyangay pamilyam. Naimatunan mo ya, no alaen ko ray asawam insan ko ra iter ed sakey a laki; akdulan to ra ya anggan agew.

1 Saray Arari 10:27

Legan na impanoley to, say pilak et singa karakel na bato ed Jerusalem tan saray tablan sidro et singa karakel na kiew a sikamoro ed alusadsar na kapokdulay Juda.

2 Saray Awaran 1:15

Legan na impanoley to, saray pilak tan balituk et singa karakel na bato ed Jerusalem, tan saray tablan sidro et singa karakel na kiew a sikomoro ed saray alusadsar na Juda.

2 Saray Awaran 11:21

Labinwalon amin iray asawa nen Roboam tan anemaplo ray inyaamung ton bibii. Duamplo tan walon lalaki tan anemaplon bibii iray ilalak to. Si Maaca so sankainaroan to ed amin da ray asawa to.

Probirbio 31:3

Ag mo dadaraken ed saray bibii so biskeg mo tan say kuartam; dineral la na saray bibii iray arum ya arari.

1 Saray Awaran 14:3

Diad Jerusalem, angasawa ni na pigara si David tan dinmakel iray anak ton lalaki tan bibii.