Deuteronomio 17:15 - Maung A Balita Biblia

¹⁵ Nepeg a say pilien a manari et say toon pinili na Katawan a Dios yo. Nakaukolan a sikatoy sakey ed saray totoo yo; ag yo pagmamaliwen ya ari yo so sangkaili.

Maung a Balita Biblia

¹⁵ Nepeg a say pilien a manari et say toon pinili na Katawan a Dios yo. Nakaukolan a sikatoy sakey ed saray totoo yo; ag yo pagmamaliwen ya ari yo so sangkaili.

Deuteronomio 17:15 Referans Kwoze

Jeremias 30:21

Manlapud dilin bansa ra iray manoley ed sikara, kadalaan da met lamlamang so prinsipi ra. No imbitaan kon onsingger, ondagod siak; ta siopay ondagon ag inimbitaan? Magmaliw iran totook tan siak so Dios da. Siak, say Katawan, so nansalita.”

1 Saray Awaran 22:10

Ipaalageyan to ak na timplo. Magmaliw ya anak ko tan magmaliw ak ya ama to. Pansiansiaen ko ya anggad angga so nanarian to.’”

1 Saray Awaran 12:23

Dakerakel iray sondalon akikasakey ed kinen David nen walad Hebron, ta mangiba rad pagmaliw ton ari ya onsalat ed kinen Saul, onung na insipan na Katawan. Say bilang da ray manlapud balang tribu et say onggendan: Juda; anem a libo tan walon lasus a lalakin dugad armas a walay samper tan pika ra; Simeon: piton libo tan sanlasus a sondalon ayadyariy inkapasal dan mibakal; Levi: apat a libo tan anem lasus a lalaki; Saray totoon nen Jeiada a kabyangan iray boleg nen Aaron; talonlibo tan piton lasus a lalaki; Saray kakanayon nen Sadoc a malangwer tan nayarin masebeg a mibabakal: duamplo tan duan pangulon lalaki; Benjamin (say dilin tribu nen Saul): talon libon lalaki (nansiansian matoor ed kinen Saul iray karaklan a totoo nen Benjamin); Efraim: duamplon libo tan walon lasus a sondalon bantug irad dilin boleg da; Kapalduay tribu nen Manases: labin walon libo a lalaki a pinili ran onla ta gawaen dan ari si David; Isacar: duanlasus a pangulo tan pati saray lalakin ipapangulo ra (lalaki ran makaamtad nepeg a gawaen na Israel tan makaamtad sankaabigan a panaon a panggawa); Zabulon: limamplon libon matoor tan napanmatalkan a lalakin akaparaan a mibakal, tan nipasal iran mangikana na antokaman ya armas; Neftali: sanlibon pangulo, pati saray talomplo tan piton libon lalakin akaarmas na samper tan pika; Dan: duamplo tan walon libo tan anem a lasus a lalakin nipasal a mibakal; Aser: apataplon libo a lalakin akaparaan a mibakal; Saray tribu a walad bokig na Jordan—Ruben, Gad, tan kapalduay Manases: sanlasus tan duamplon libo a lalakin nipasal a mangikanay amin a klasiy armas.

1 Samuel 10:24

Inkuanen Samuel ed saray totoo, “Nia so toon pinili na Katawan! Anggapoy mipara ed sikato.” Inmeyag iray amin a totoo, “Andokey komuy bilay na ari!”

Jeremias 2:25

Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, ‘Andi! Ag ko la nababawi. Inarok iray diriyos na saray arum a bansa tan sikaray tombuken ko.’”

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Saray Salmo 2:2

Saray arari ra milalaban ira, saray manoley da mankokomplut ira sumpad Katawan tan say pinili ton ari.

2 Samuel 5:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

Mateo 22:17

Ibagam pa sirin ed sikami no antoy isip mod saya? Sumpad Ganggan kasi so pambayar na buis ed Impirador na Roma o andi?”

1 Saray Awaran 28:5

Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.

1 Samuel 8:5

tan kuandad sikato, “Masiken ka la, tan saray anak mo et ag da ka aaligen. Kanyan sirin, manuro ka na ari a manoley ed sikami, pian wala met so ari mi, a singa saray arum a bansa.”

1 Samuel 16:3

Imbitaan moy Jesse ed bagat, tan ibagak ed sikay gawaen mo. Lanaan mon manari so lakin ibagak ed sika.”

2 Samuel 5:1

Insan amin a tribu na Israel linma rad kinen David diad Hebron tan kuandad sikato, “Kadalaan tan kalamanan mo kami.

Saray Salmo 89:20

Ginawak ya ari si aripen kon David diad panamegley na impanlanak ed sikato na masanton larak.