Deuteronomio 17:1 - Maung A Balita Biblia

¹ “Ag kayo mangibabagat ed Katawan a Dios yo na baka odino karniron walay deral na laman; kabosul ya na Katawan.

Maung a Balita Biblia

¹ Ag kayo mangibabagat ed Katawan a Dios yo na baka odino karniron walay deral na laman; kabosul ya na Katawan.

Deuteronomio 17:1 Referans Kwoze

Deuteronomio 15:21

Balet no walay deral na laman na sarayan ayep, no lopuy ira odino bulag ira odino walay sananey a mapalalon deral na laman da, ag yo ra nepeg ya ibagat ed Katawan a Dios yo.

Malakias 1:8

Abaloan yo ya anggapoy kaogsan so pangibabagat yod siak na bulag odino mansasakit, odino piley ya ayep? Sali yo pay mangiter ed gobirnador na onman a klasiy ayep? Manliket kasid sikayo odino mangiter kasi na panangasi ed sikayo?”

Deuteronomio 23:18

Ontan met, say kuartan nalmoan ed onyan marotak a kagagawa et ag nayarin iyakar ya ibagat ed Timplo na Katawan a Dios yo diad panumpal na sakey a sinambaan a sipan. Sebel so onya, lapud kabosul na Katawan iray marotak a babayaran a totoo ed Timplo.

Deuteronomio 24:4

Diad ontan samay asawan inmona ag to nepeg ya asawaen lamet imay bii; nepeg ton ipasen a marotak la. No asawaen to lamet, manggawa na makapaingungot ed Katawan. Ag kayo nepeg a manggawa na onyan kasalanan no wala kayo lad dalin ya iiter ed sikayo na Katawan a Dios yo.

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 11:1

Kabosul na Katawan so masaol a simbangan, balet maliket ed dugan simbangan.

Probirbio 6:16

Wala ray pitoran bengatla a kabosul tan ag labay na Katawan: Say mapaatagey a nengneng, say matilan dila, saray liman managpatey na totoon anggapoy kasalanan, say kanunotan a managplano na saray kaogsan, saray salin masiglat a managgaway kaogsan, say tasin mantotombukay tila to, tan say toon manangigapoy golo ed saray sankakaaro.

Deuteronomio 25:16

Kabosul na Katawan iray totoon masaol.

Exodo 12:5

Nayarian yon pilien so sakey a karniro odino sakey a kanding, balet nakaukolan a kalakyan a mansakey taon tan anggapoy deral na laman to.

Genesis 41:19

Insan sinmakbit met so pitoran baka a mapmabeng tan kapokepokel. Sankaaliwaan iran bakan anengneng kod intiron Egipto.

Probirbio 20:10

Kabosul na Katawan iray mangikakana na masaol a simbangan tan sukatan.

Levitico 1:3

No sakey ed saray baka to so isaklang ton bagat a popoolan, nepeg a bakan kalakyan ya anggapoy deral na laman to. Nepeg ton isaklang so baka diad lolooban na samay Tulda pian awaten na Katawan so mangisaklang.

Saray Bilang 29:8

Mangisaklang kayod Katawan na bagat a popoolan a say balingit to et makapaliket ed sikato: sakey a kilaw na bakan kalakyan, sakey a karniron kalakyan tan pitoran sakey taon a kordiron kalakyan; nepeg ya anggapoy deral na laman da.

Deuteronomio 7:25

Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.