Deuteronomio 16:22 - Maung A Balita Biblia

²² Tan ag kayo mangililira na baton lusek a pangigalangan ed talintaoy dios; kabosul ya na Katawan.

Maung a Balita Biblia

²² Tan ag kayo mangililira na baton lusek a pangigalangan ed talintaoy dios; kabosul ya na Katawan.

Deuteronomio 16:22 Referans Kwoze

Levitico 26:1

Say Katawan kuanto, “Ag kayo manggagawa na saray diriyos, ni mangipapaalagey na saray talintao, saray baton lusek, odino saray kinortin bato a galangen yo. Siak so Katawan a Dios yo.

Exodo 20:4

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Puyan 2:15

Ontan met a wala ray pigarad sikayon ontotombuk ed bangat da ray Nicolaita.

Puyan 2:6

Balet wala met so kamaungan mo, ta bobosulen mo met a singa siak so gagawaen da ray Nicolaita.

Zacarias 8:17

Ag kayo mannununot na antokaman a makapasakit ed arum. Ag kayo mantatasi na tila a katekep toy samba. Kabosul koy panagtila, panagpikewet na katunongan, tan panagduksa.”

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Deuteronomio 12:31

Ag yo ipapara so panangigalang yod Dios yo ed panangigalang da ed saray diriyos da, ta diad panangigalang dad saray diriyos da gagawaen da ray amin a makapaingungot a kabosul na Katawan. Ibabagat da ni ingen ed apoy na saray altar da iray anak da.

1 Saray Arari 14:23

Nanggagawa ra na saray pasen a pangigalangan ed saray tila-tilan diriyos, saray baton lusek, tan saray talintao nen diosan Asera diad toktok na saray pokdul tan diad silong na saray masalumpapak a kiew.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

Deuteronomio 4:16

ompan mankasalanan kayo diad panggawa yoy talintaon kaparpara na antokaman, laki man o bii,

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 4:25

“Anggan abaybayag kayo lan manaayam ed saman a dalin tan awalaan kayo la na saray anak tan apo, ag kayo mankakasalanan diad panggawa yoy antokaman a talintaoy dios. Maoges ya ed arap na Katawan, tan sikatoy makasengeg na pampasnuk to.

2 Saray Arari 17:10

Diad amin a toktok na pokdul tan diad silong na balang masalumpapak a kiew, angyan ira na saray lusek a bato tan saray talintao nen diosan Asera.