Deuteronomio 16:21 - Maung A Balita Biblia

²¹ “No manggawa kayo na altar a para Katawan a Dios yo, ag yo iyaabay so kiew a tanda na diosan Asera.

Maung a Balita Biblia

²¹ No manggawa kayo na altar a para Katawan a Dios yo, ag yo iyaabay so kiew a tanda na diosan Asera.

Deuteronomio 16:21 Referans Kwoze

2 Saray Awaran 33:3

Pinapasimbalo ton impaalagey iray paganon pasen a panangigalangan a dinederal nen Ezekias ya ama to. Nanggagawa na saray altar a panangigalangan ed Baal, saray talintao na diosan Asera, tan inggagalang to ray bitewen.

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

1 Saray Arari 16:33

Nanggawa met na talintao nen diosan Asera. Pinalumbasan ton nankasalanan iray amin ya ararid Israel ya akaonan nanoley nen say sikato, lapud saray ginagawa ton maoges ya amasnukay Katawan a Dios na Israel.

1 Saray Arari 14:15

Dusaen na Katawan so Israel, tan magmaliw a singa kiew a payar ya iwal-iwalen na mabiskeg ya agos na danum. Pataynanen to ray totood Israel ed sayan maung a dalin ya inter tod saray lalaki ra, insan to ra ikaykayat ed nibaliw na Ilog na Eufrates, ta apampasnuk da lapud impanggawa ra na saray talintao nen diosan Asera.

Saray Huis 3:7

Alingwanan na saray Israelita so Katawan a Dios da; nankasalanan irad sikato tan inggagalang da ray talintao nen Baal tan Asera.

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.

Levitico 26:1

Say Katawan kuanto, “Ag kayo manggagawa na saray diriyos, ni mangipapaalagey na saray talintao, saray baton lusek, odino saray kinortin bato a galangen yo. Siak so Katawan a Dios yo.

2 Saray Arari 21:7

Inyan tod dalem na Timplo so talintao nen diosan Asera. Onya so inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem ed sayan Timplo so pasen a pinilik ed amin da ray lugar na labinduan tribu na Israel a pangigalangan ed siak.