Deuteronomio 16:19 - Maung A Balita Biblia

¹⁹ Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Maung a Balita Biblia

¹⁹ Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Deuteronomio 16:19 Referans Kwoze

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Exodo 23:2

Ag kayo mibibiang ed saray karaklan no maoges so gagawaen da, o no mantasi ra na tila diad pamikewret dad katonungan.

Probirbio 17:23

Saray maoges a huis mangaawat ira na maamut a pasoksok; napikewet ed satan so inkatonung.

Habacuc 1:4

Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.

Deuteronomio 24:17

“Ag yo pipikeweten so katunongan da ray sangkaili tan saray olila; tan ag yo aalaen so kawes na biin balo a kaletan na utang tod sikayo.

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Isaias 1:17

tan manaral kayo lan manggaway kamaungan. Ipakurang yoy kaptekan ed saray katoowan—tulongan yo ray napapairap, iyagel yo ray olila, tan imasakit yo ray balo.”

Ecclesiastes 7:7

Say toon makabat a manasaol na kapara ton too et singa lamlamang toon makulang-kulang. Say pasoksok deralen toy maung ya inkatoo.

Probirbio 24:23

Sikara ya met so balikas na saray totoon makabat: Makapoy a say sakey a huis et walay kikilingan to.

Deuteronomio 27:19

“‘Napelag komun so samba na Dios ed siopaman ya ag mangiter na kanepegan da ray sangkaili, saray olila, tan saray bibiin balo.’ “Insan onebat iray amin a totoo, ‘Amen!’

Saray Gawgawa 23:3

Inkuanen Pablo ed sikato, “Kabilen kay Dios, sikan mansimpisimpitan! Wadtan kan manyodyorung a manintinsiad siak onung ed Ganggan, balet sikan dili et susumpaen moy Ganggan diad pangigaganggan mon tibeben da ak.”

Saray Gawgawa 16:37

Balet inkuanen Pablo ed saramay sondalo, “Anggapoy nibaga ran kasalanan mi, balet impapalewet da kamid arap na karaklan, anggaman a mibabaley kami na Roma. Kasumpal to, impaipriso da kami. Insan natan, labay dan ibaki kamin anggapoy makaamta. Ag nayari! Sikaran dili so onla dian mangibolus ed sikami.”

Saray Gawgawa 10:34

Insan nampaliwaway Pedro: “Natan ko la atebek ya anggapoy lalabien na Dios.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Jeremias 5:28

no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Isaias 33:15

Nitepel yo, no salitaen tan gawaen yoy inkatonung, no ag yo ikanay pakayari yo a mansaol ed saray mairap-bilay tan ag kayo mangawat na pasoksok, no ag kayo miolup ed saray mamplaplanon mamatey na too odino manggawa na arum a kaogsan.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Probirbio 24:28

Ag ka mantatasi na sumpad kaparam a too likud no walay makasengeg, odino mangibabaga na saray bengatlan makapalikdon nipaakar ed sikato.

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”

1 Samuel 8:3

Balet ag da inalig so ama ra; kayamanan labat so pilalek dan nagamuran, kanyan nanaala ray pasoksok tan pinipekewet day katunongan.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Exodo 23:3

Ag yo kikilingan so mairap-bilay no salaysayen ed korti.

Deuteronomio 16:18

“Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.

1 Samuel 8:1

Nen masiken lay Samuel, impagmaliw ton huis ed Israel iray lalaki anak to.

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Probirbio 31:5

No oninom ira nalingwanan da ray ganggan tan napaolyan da la ray kanepegan na saray walad pankaukolan.

Deuteronomio 27:25

“‘Napelag komun so samba na Dios ed siopaman a mangawat na kuarta a bayar na pamatey tod toon anggapoy kasalanan.’ “Insan onebat iray amin a totoo, ‘Amen!’

Ezekiel 18:8

Ag to ipapaabang so kuarta to. Ag to labay so manggawa na antokaman a kaogsan tan diad antokaman a kolkolan say katonungan so ipapasumpal to.