Deuteronomio 16:18 - Maung A Balita Biblia

¹⁸ “Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.

Maung a Balita Biblia

¹⁸ Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.

Deuteronomio 16:18 Referans Kwoze

1 Saray Awaran 23:4

Impasen na ari iray duamplo tan apat a libo a mangipangulo na kimey ed Timplo, tan say anem a libo et impasen to ran makaoley ed pansulat na awaran tan panintinsia ed antokaman a kolkolan.

1 Saray Awaran 26:29

Nipabetang ed saray kabyangay boleg nen Izhar, a si Kenanias tan saray lalakin anak to, so kimey a pangikorit na saray awaran tan panariglo ed saray kolkolan da ray totood Israel.

Deuteronomio 21:2

Nepeg a laen na saray pangulo tan saray huis yo, ta sukaten da so kaarawi manlapud pasen ya akarumogan ed sikato ya anggad saray asingger a baley.

Deuteronomio 17:12

Nepeg a pateyen so siopaman a manumlang ed sintinsia na huis odino pari a manlilingkur ed saman a panaon; diad onya napaandipat yo yan kaogsan ed Israel.

Deuteronomio 17:9

tan iparontal yoy kaso yo ed saray Levitan papari tan diad huis ya akayorung ed saman a panaon, ta sikaray panintinsia yo.

Exodo 21:6

say amo tod satan awiten tod pasen a panangigalangan. Diman say amo pasaralen to may aripen ed puirta odino diad lusek na puirta, insan to tebengan ed layag. Diad ontan magmaliw lan aripen to ya anggad ag to ipatey.

Mateo 5:21

“Nadngel yon ninganggan ed saray totoo nen saman, ‘Ag ka mamapatey; siopamay mamatey walay ebatan tod huis.’

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Deuteronomio 16:17

onung ed karakel na saray bindision ya inter ed sikato na Katawan a Dios yo.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

1 Samuel 8:1

Nen masiken lay Samuel, impagmaliw ton huis ed Israel iray lalaki anak to.

Esdras 7:25

“Sika, Esdras, ikanam so kakabatan ya inter ed sika na Dios mo diad panorom na saray opisyal tan saray huis a manoley ed amin da ray totoo ed Sagur na Eufrates a mambibilay ira onung ed Ganggan na Dios mo. Nepeg yon ibangat itan a Ganggan ed siopaman a toon ag makaamta.

Probirbio 31:23

Bibirbiren ed balay so asawa to tan sakey ed saray manonan mibabaley.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Exodo 21:22

“No walay pigaran totoon manlalaban tan apasakitan day sakey a biin malokun, et nakalan, balet ta ag nanliknay arum a kairapan, samay akapasakit ed sikato et nepeg a bayaran toy labay na asawa to may bii, onung na pangabubon na saray huis.

Deuteronomio 25:1

“Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?