Deuteronomio 16:16 - Maung A Balita Biblia

¹⁶ “Amin da ray lalakin totood bansa yo et nepeg ya onla ran mamitlod sakey taon ed samay pasen a panangigalangan ta igalang day Katawan: no Paskua, no Pista na Panagani, tan no Pista na saray Abung-abung. Balang sakey a laki et nepeg a mangawit na nayarian ton iter a rigalo

Maung a Balita Biblia

¹⁶ Amin da ray lalakin totood bansa yo et nepeg ya onla ran mamitlod sakey taon ed samay pasen a panangigalangan ta igalang day Katawan: no Paskua, no Pista na Panagani, tan no Pista na saray Abung-abung. Balang sakey a laki et nepeg a mangawit na nayarian ton iter a rigalo

Deuteronomio 16:16 Referans Kwoze

Saray Salmo 96:8

Idayew yoy mapagalang a ngaray Katawan; mangawit kayoy bagat tan loob kayod Timplo to.

Aggeo 1:9

“Nanilalo kayon makaani na dakerakel, balet dagdaiset so naani yo. Et nen insempet yo ray naani yo intitikyab ko ra. Akin et onmay ginawak? Lapud apaolyan ya aderal-deral so Timplok; inarap yon kikimeyan so dilin kaabungan yo.

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Exodo 34:20

balet nepeg yon dondonen so balang besag ya asno diad pangibagat yo na sakey a kordiro a mangalay pasen to. No ag yo dondonen, poter yoy beklew to. Dondon yo so balang pangulowan a laki. “Balang toon ondagod siak nepeg a walay awit ton bagat.

1 Saray Arari 9:25

Mamitlod sakey taon a mangisaklang si Solomon na saray bagat a popoolan tan saray bagat a para kareenan, diad altar ya impaalagey ton para Katawan. Nampopool met na insinson para Katawan. Onya so impakasusumpal na Timplo.

Isaias 23:18

Say kuartan natubo to ed nigosio et niyapay ed Katawan. Ag to isinup yan kuarta, no ag ingen ikana na saray manangigalang ed Katawan diad pansaliw da na tagano tan saray kawes a nakaukolan da.

Marcos 12:3

Balet siningkat na saray kasamak imay aripen, pinepekpek da, insan da pinapawil a kalima-lima.

Juan 7:2

Magano lan onsabiy Pista na saray Abung-abung, sakey a pista da ray Judio.

Exodo 34:24

Kayarik a pagiten iray totood bansan looban yo tan no apaawang ko lay dalin yo, anggapo lad satay toon manakop na bansa yo legan na taloran pista ya abitla.

Deuteronomio 16:15

Pagalangan yo so Katawan a Dios yo diad panamegley na pansilibra yon pitoy agew diad samay pasen diad sakey a pasen a panangigalangan. Manliket kayo, ta binindisionan na Katawan so panagani yo tan say kimey yo.

Deuteronomio 16:17

onung ed karakel na saray bindision ya inter ed sikato na Katawan a Dios yo.

Deuteronomio 31:11

Ibasa yod saray totood Israel no onla rad samay pasen na panangigalangan a mangigalang irad Katawan a Dios yo.

1 Samuel 1:3

Tinaon ya ontataynan ed Rama si Elcana, ta onlad Silo a mangigalang tan mangibagat ed Katawan a Makapanyarin-amin. Diad Silo manaayam irad man di Ofni tan Finees ya anak nen Eli, ta papari ra na Katawan.

1 Samuel 6:3

Inmebat ira, “No ipawil yoy Kaban na Sipanan na Dios na Israel, nepeg a walay ipila yon rigalo ya ibayar yod impankasalanan yo. Ag yo ipapawil ya anggapoy rigalo so Kaban na Sipanan. Diad saya, onabig kayo, tan naamtaan yo no akin et dudusaen to kayo.”

2 Saray Awaran 8:13

Angisaklang na saray bagat a popoolan onung na ibabagay Ganggan nen Moises kapag nasabi ra yan masanton agew: Agew na Panagpainawa, Pistay Balon Bulan, tan saray taloran tinaon a pista, salanti, Pistay Tinapay ya Anggapoy Libadura, Pistay Panagani, tan Pista na saray Abung-abung.

Nehemias 8:15

Kanyan inter da ray onggendan a bilin, insan da impaibawag ed intiron Jerusalem tan saray arum a siudad tan baley: “Laka kayod kapokdulan, ta mangala kayo ray sanga-sangay kiew na oliba, agoo, mirto, palma, tan saray arum a mabolung a kiew, insan tayo ra gawaen ya abung-abung onung na nisulat ed Ganggan.”

Saray Salmo 84:7

Diad panaakar da lalon ombibiskeg ira; nanengneng dad Sion so Dios da ray diriyos!

Saray Salmo 122:4

Dimay lalaen da ray tribu, saray tribu na Israel, a misalamat ed Katawan, onung na ingganggan tod sikara.

Esdras 3:1

Nen asabiy kumapiton bulan, manaayam lad saray baley da iray Israelita. Insan nantitipon iran amin ed Jerusalem.

Saray Salmo 84:8

Dengel mo pay pikakasik, O Katawan a Dios a Makapanyarin-amin; talineng ka pa, O Dios nen Jacob!

Isaias 33:20

Nengneng yoy Sion, say siudad a panggagawaan tayo na saray pista tayo. Nengneng kayod Jerusalem! Sakey a pasen a maung a panayaman ya arawid kaatapan! Magmaliw a singa tuldan ag balut nagagalaw, ag balut nababagut iray palpal to tan ag balut napopoltut iray lobir to.

Ezekiel 36:38

Saray siudad ya aderal-deral ira natan et napano ra na saray totoo a singa inkapano na Jerusalem nen saman na saray karniron imbabagat no pista. Naamtaan dad satan a siak so Katawan.”