Deuteronomio 16:1 - Maung A Balita Biblia

¹ “Pagalangan yoy Katawan a Dios yo diad panamegley na pansilibra yo na Paskua no bulan na Abib; diad aminsan a labi ed saman a bulan so impangipaway tod sikayod Egipto.

Maung a Balita Biblia

¹ Pagalangan yoy Katawan a Dios yo diad panamegley na pansilibra yo na Paskua no bulan na Abib; diad aminsan a labi ed saman a bulan so impangipaway tod sikayod Egipto.

Deuteronomio 16:1 Referans Kwoze

Exodo 34:18

“Silibraan yoy Pista na Tinapay ya Anggapoy Libadura. Onung na ingganggan kod sikayo, mangan kayo na tinapay ya anggapoy libadura ed loob na pitoran agew no bulan na Abib, ta saman imay bulan ya impanaynan yod Egipto.

Exodo 13:4

Diad sayan agew ed ononan bulan, say bulan na Abib, ontataynan kayo a manlapud Egipto.

Saray Bilang 28:16

Say Pista na Paskua a pamagalang ed Katawan et gawaen ed kumalabinapat agew na ononan bulan.

Levitico 23:5

Say Paskua a silibraan pamagalang ed Katawan et onggapod kapansironget na kumalabinapat agew na ononan bulan.

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Lucas 2:41

Tinaon-taon, kapag Pistay Paskua, oonlad Jerusalem iray atateng nen Jesus.

Juan 2:13

Asingger lay Paskua a Pista da ray Judio, tan linmay Jesus ed Jerusalem.

Juan 5:1

Kasumpal to ya, walay pista da ray Judio tan linmad Jerusalem si Jesus.

Juan 6:4

Asingger lad saman so Pista na Paskua da ray Judio.

Deuteronomio 16:2

Laka yod samay pasen a panangigalangan ta patas yod man so sakey ed saray karniro odino baka yo a kanen yo no Paskua a pamagalang ed Katawan a Dios yo.

Exodo 12:51

Diad saman ya agew, say Katawan impaway tod Egipto iray boleg na saray Israelita.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 23:14

“Diad loob na sakey taon mamitlo kayon mampista a pamagalang ed siak.