Deuteronomio 15:19 - Maung A Balita Biblia

¹⁹ “Ibiig yon para Katawan a Dios yo ray amin a besag a kalakyan a kilaw na baka tan karniro yo; ag yo pankikimey ira yan baka tan ag yo kakatlian ira yan karniro.

Maung a Balita Biblia

¹⁹ Ibiig yon para Katawan a Dios yo ray amin a besag a kalakyan a kilaw na baka tan karniro yo; ag yo pankikimey ira yan baka tan ag yo kakatlian ira yan karniro.

Deuteronomio 15:19 Referans Kwoze

Exodo 13:2

“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”

Exodo 13:12

nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo,

Deuteronomio 16:14

Manliket kayo a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo.

Deuteronomio 12:17

Ag yo kakanen ed pasen a panayaman yo so dinan man ya ibagat yod Katawan: saray kakaplo na trigo yo, say alak yo, odino say larak na oliba yo, odino saray besag ya anak na saray baka tan saray karniro yo, saray rigalon isipan yon iter ed Katawan, saray bagat yon manlapud mabolus a linawa, odino saray arum a bagat.

Saray Bilang 18:17

Balet ag nepeg a dondonen iray besag na baka, karniro, tan kading; sigput iran kayaryan ko tan sikaray nepeg ya ibagat. Isibom ed altar so dala ra tan poolan mon bagat a popoolan so taba ra; makapaliket ed siak so balingit to.

Saray Bilang 18:15

“Amin a pangulowan ya anak odino besag na ayep ya isaklang ed siak na saray Israelita et kayaryan yo ra. Balet nepeg mon awaten so kuartan panondon dad balang pangulowan ya anak tan nepeg mo met ya awaten so panondon dad balang besag ya ayep ya aliwan malinis onung ed ganggan.

Levitico 27:26

Say besag ya anak na ayep et kayaryan la na Katawan, kanyan ag la nakaukolan ya isaklang ed sikato a sakey a bagat a manlapud mabolus a linawa. Say kilaw na baka, say kordiro, odino say kilaw na kanding et kayaryan la na Katawan,

Saray Hebreo 12:23

Sinmingger kayod maliket a tipon da ray pangulowan ya anak na Dios, a nisulat ed tawen iray ngaran da. Sinmingger kayod Dios a huis na amin a pinalsa, tan diad saray ispiritu na totoon matonung a nagmaliw iran ayadyari.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 14:23

Insan kayo onla ed sakey a pasen a pinili na Katawan a Dios yo a pangigalangan ed sikato; et diad arap tod man akan yoy kakaplo na trigo yo, alak yo, larak na oliba yo, tan besag ya anak na baka tan karniro yo. Gawa yoy onya pian naaralan yon takotan lawas so Katawan a Dios yo.

Exodo 34:19

“Amin a lakin pangulowan tan amin a besag a kalakyan ya amon ayep et kayaryan ko,

Saray Taga Roma 8:29

Saray pinili na Dios a kayaryan ton nanlapud gapo et inggana to ran miolibay ed Anak to, pian say Anak so magmaliw a pangulowad saray amayamay a sanaagi.

Exodo 22:30

Iter yod siak iray besag ya anak na baka tan karniro yo. Piamung yon pitoran agew ed ina to so besag a kalakyan, insan yo ibagat ed siak no kumawalon agew.

Deuteronomio 15:18

Ag nepeg a mairap so linawa yon mangibolus na aripen; andibali ta nilingkuran to kayo lan anem taon, tan kapaldua labat so upa na kumikimey so agastos yo. Onyay gawaen yo et say Katawan a Dios yo bindisionan to kayo ed amin a gawaen yo.

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.