Deuteronomio 15:15 - Maung A Balita Biblia

¹⁵ Nunot yo ya aripen kayo nen saman ed Egipto et imbolus kayo na Katawan a Dios yo; sikato yay makasengeg ya iiter kod sikayo yan ganggan.

Maung a Balita Biblia

¹⁵ Nunot yo ya aripen kayo nen saman ed Egipto et imbolus kayo na Katawan a Dios yo; sikato yay makasengeg ya iiter kod sikayo yan ganggan.

Deuteronomio 15:15 Referans Kwoze

Deuteronomio 16:12

Pampelengan yon onuren ira yan ganggan; ag yo lilingwanan ya aripen kayo met nen saman ed Egipto.

1 Juan 3:16

Onyay pakaamta tayoy kabaliksan na aro: inter nen Cristo so bilay to para sikatayo. Nepeg tayo met sirin ya iter so bilay tayo para saray agagi tayo!

TAGA-EFESO 4:32

Ingen, mankakasiyan tan manaarowan kayo tan mampipirdonaan kayo, a singa impamirdonay Dios ed sikayo diad panamegley nen Cristo.

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

Isaias 51:1

Say Katawan kuanto, “Dengel yo ak, sikayon malabay a nilaban, sikayo ran onsisingger ed siak ya onkerew na tulong. Nunot yoy baton-dampay a nanlapwan yo, say panagtabasan na bato ya akatabasan ed sikayo.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

Deuteronomio 15:14

Mabonluk yon itdan na antokaman ya impamindision ed sikayo na Katawan—karniro, trigo, tan alak.

Deuteronomio 15:16

“Balet nayarin ag labay na aripen yo so ontaynan; nayarin inararo to kayo tan saray kabyangay pamilya yo, kanyan labay to lay mansiansian manayam ed sikayo.

2 Samuel 7:23

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa tan saray diriyos da legan a mankukurang iray totoom, saray totoon impaway mod Egipto pian nakayaryan mo ra.

Jeremias 16:14

Say Katawan kuanto, “Onsabiy panaon ya anggapoy toon mansamba ed siak a mabilay a Dios ya angipaway ed dalin na Egipto ed saray totood Israel.