Deuteronomio 14:29 - Maung A Balita Biblia

²⁹ Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Maung a Balita Biblia

²⁹ Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Deuteronomio 14:29 Referans Kwoze

Deuteronomio 15:10

Mabolbolus sirin ya itdan yo, et say Katawan bindisionan to kayo ed amin a gawaen yo.

Deuteronomio 14:27

“Ag yo papaolyan iray Levitan manaayam ed saray baley yo; anggapoy kayaryan dan dili.

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Probirbio 11:24

Wala ray totoon magastos, balet onyayaman met ni ran siansia. Wala ra met so mapeget a manggastos, balet mandenden so kairapan na bilay da.

Saray Salmo 41:1

Maliket iray totoon maaro ed saray mairap-bilay; tulongan ira na Katawan no nagugunigon ira.

Deuteronomio 16:14

Manliket kayo a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo.

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.

Saray Hebreo 13:2

Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Lucas 6:35

Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Saray Bilang 18:20

Say Katawan kuantod kinen Aaron, “Ag ka mangaawat na antokaman a kayaryan a nayarin tawiren, tan anggapoy nepeg ya ipabetang ed sikan parti na dalin. Siak a Katawan labat so nakaukolan mo.”

Deuteronomio 6:11

Saray kaabungan et napano ra na maabig iran bengatla ya ag yo ra inkarga, tan wala ray bobun ya ag yo ra kinotkot, tan wala ray kaubasan tan kaolibaan ya ag yo ra intanem. No say Katawan et niyakar to ka yod sayan dalin tan walay amin a labay yon kanen,

Deuteronomio 10:9

Sikato yay makasengeg a say tribu nen Levi et ag ira angawat na parti na dalin ya aliwan singa saray arum a tribu; say inawat da et samay pankanawnawa ran manlingkur ed Katawan, onung na insipan na Katawan a Dios yo.)

Saray Salmo 94:6

Papateyen da ray balon bibii, saray olila, tan saray sangkailin manaayam ed dalin mi.

Isaias 1:17

tan manaral kayo lan manggaway kamaungan. Ipakurang yoy kaptekan ed saray katoowan—tulongan yo ray napapairap, iyagel yo ray olila, tan imasakit yo ray balo.”

Deuteronomio 23:21

“No manggawa kayoy sinambaan a sipan ed Katawan a Dios yo, sumpal yon sumpal; say Katawan anapen tod sikayo so insipan yo, tan kasalanan yo no ag yo iter so insipan yo.

Deuteronomio 28:8

“Say Katawan a Dios yo bindisionan toy kimey yo tan panoen to na ilik iray pananginan yo. Bindisionan to kayo ed dalin ya iiter tod sikayo.

Saray Salmo 41:2

Iyagel ira na Katawan tan pansiansiaen to ran mambilay; pagmaliwen to ran maliket diad tapew na dalin; ag to ra paolyan a napelag ed pakayari na saray kalaban da.