Deuteronomio 14:26 - Maung A Balita Biblia

²⁶ Igastos yo yan kuarta ed antokaman a labay yo—baka, kordiro, alak, odino antokaman a makabuek—tan diman, diad arap na Katawan a Dios yo, sikayo tan saray kabyangay pamilya yo et akan yo may sinaliw yo tan manliket kayo.

Maung a Balita Biblia

²⁶ Igastos yo yan kuarta ed antokaman a labay yobaka, kordiro, alak, odino antokaman a makabuektan diman, diad arap na Katawan a Dios yo, sikayo tan saray kabyangay pamilya yo et akan yo may sinaliw yo tan manliket kayo.

Deuteronomio 14:26 Referans Kwoze

Mateo 21:12

Linmoob si Jesus ed Timplo tan pinataynan to ray manlalako tan mansasaliw diman. Imbabalintuag to ray lamisaan da ray managsalat na kuarta tan saray yorungan da ray managlakoy malapati.

Ecclesiastes 9:7

Sigi labat—akan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Saray Salmo 106:14

Nen wala rad kalawakan sinmabid sikara so alablabas a pilalek et sinubok day Dios.

Deuteronomio 26:11

Misalamat kayo lapud saray maabig a bengatla ya inter na Katawan a Dios yo ed sikayo tan say pamilya yo; insan pinabang yod liket yo iray Levita tan saray sangkaili a manaayam ed kawalaan yo.

Deuteronomio 12:7

Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

1 CORINTO 10:6

Sarayan agawa et pamasakbay ed sikatayo, pian ag tayo pampilalekan iray bengatlan maoges, a singa impanpipilalek da,

Marcos 11:15

Kasabi rad Jerusalem linmoob si Jesus ed Timplo tan pinataynan to ray manlalako tan mansasaliw diman. Imbabalintuag to ray lamisaan da ray managsalat na kuarta tan saray yorungan da ray managlakoy malapati,

Esdras 7:22

Mangiter kayo, balet et ag onsoluk ed talon libo tan apat a lasus a kilon pilak, liman lasus a boksut a trigo, duan libo tan anemaplon litron alak, tan duan libo tan anemaplon litron larak na oliba. Balet no asin so kerewen da iter yoy amin a nakaukolan da.

Deuteronomio 12:15

“Nayarian yoy mamatas tan mangan na saray ayep yo diad iner may panayaman yo. Nayarin kanen yo so anggan anton karakel ya iter ed sikayo na Katawan. Malinis may marotak kayo onung ed ganggan, nayarian yo ran kanen a singa pangan yo na karniy gasila tan ulsa.

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

Deuteronomio 14:25

Ilako yo so kakaplo na naani yo, insan yo awiten ed samay pasen a panangigalangan so kuarta a nanlakoan yo.