Deuteronomio 13:17 - Maung A Balita Biblia

¹⁷ Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

Maung a Balita Biblia

¹⁷ Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

Deuteronomio 13:17 Referans Kwoze

Josue 7:26

Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.

Deuteronomio 7:26

Ag kayo mangisesempet na anggan dinan ed sarayan talintaoy diriyos, ta ompan nipelag met ed sikayo so samban walad sikara. Nepeg yon bosulen tan sumpaen ira yan talintaoy diriyos, lapud insamba ra na Katawan.

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Josue 6:18

Balet ag kayo mangaala na antokaman a nepeg a deralen; no mangala kayo, ondalan so gunigon tan deral ed kampo na Israel.

Deuteronomio 30:3

say Katawan a Dios yod satan et kasian to kayo. Papawilen to kayod dalin yo manlapud saray bansan angikayatan tod sikayo, tan paaligwasen to kayo lamet.

Genesis 28:14

Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

Ezekiel 37:26

Misipanan ak ed sikara; sayan sipanan so kaletan diad pambilay dan arawid kaatapan diad ando lan ando. Iletneg ko ra tan parakelen koy bilang da, tan magnayon a panalageyen kod dalin da so Timplok.

Saray Tagleey 3:32

Anggaman a panermenen to itayo, kasian to tayo onung na daakan ya ag mangoman a panangaro to.

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Josue 22:20

Ag yo ta nanunotan imay ag impangonur nen Acan a lakin anak nen Zera ed ganggan a nipaakar ed saray bengatlan nepeg a deralen, et adusa so intiron totood Israel? Aliwan si Acan labat so inatey lapud samay kasalanan to.”

Josue 7:1

Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Josue 6:26

Diad sayan panaon si Josue impaakseb toy sakey a pasakbay: “Siopamay mamasimbalon mamaalagey ed siudad na Jerico et nagawad sikato yan samba na Katawan, Siopamay mangiletneg na pundasion to nabalang toy sankapangulowanan ya anak ton laki; Siopamay mamaalagey na saray puirta to, nabalang toy sankayogtanan ya anak ton laki.”

Deuteronomio 7:13

Aroen to kayo tan bindisionan to kayo, pian ondakel so bilang yo tan nawalaan kayoy amayamay ya anak; bindisionan toy kaalogan yo, pian nawalaan kayoy trigo, alak, tan larak na oliba; tan bindisionan to kayo diad pangiter tod sikayo na amayamay a baka tan karniro. Iter to ra yan amin a bindision ed sikayo diad dalin ya insipan tod saray lalaki yo ya iter ed sikayo.

Saray Bilang 25:4

tan kuantod kinen Moises, “Tipon mon amin iray pangulo na Israel tan, diad pangonur mod siak, patey mo ra ed arap na karaklan et diad ontan onkepa lay pasnuk kod saray totoo.”

Exodo 20:6

Balet aroen ko ray nilibon kailalakan na saray mangarod siak tan mangonur na saray ganggan ko.

Exodo 32:12

Akin et abuloyan mon saray Egipsio et nayarian dan ibaga ya impaway mod Egipto iray totoom, ta getmam a pateyen ira ed kapalandeyan tan deralen iran sigput? Ag ka la kari mamapasnuk; mangoman ka lay kanunotan tan ag mo la komun ipapadalan so deral ed saray totoom.

Deuteronomio 13:18

no onuren yo ray amin a ganggan ya inter kod sikayo diad sayan agew, tan gawaen yo ray amin a matonung.

Deuteronomio 30:5

pian nakayaryan yo lamet so dalin a nanayaman na saray lalaki yo. Lalon paaligwasen to kayo tan lalon parakelen to kayo nen saray lalaki yo nen saman.

Saray Salmo 85:3

Ag ka la natan mamapasnuk ed sikara, tan binmetel lay ontan lan petang na olom.

Oseas 11:9

Ag ta ka dusaen ed pasnuk ko; ag ko la deralen lamet so Israel, Ta Dios ak, aliwan too. Siak a Masanton Dios, wala ed sika. Ag ta ka dagoen a deralen.

Josue 6:24

Insan da pinoolan so siudad tan amin a logan to, likud labat ed saray bengatlan ginawad balituk, pilak, gansa, tan balatyang, ta inaala da ra tan inyaakar da ra ed panagsinupan na kayamanan na Katawan.

Josue 8:28

Pinoolan nen Josue so Ai tan tinaynan ton aderal-deral. Onya niy kipapasen to ya anggad natan.