Deuteronomio 12:6 - Maung A Balita Biblia

⁶ Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

Maung a Balita Biblia

⁶ Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

Deuteronomio 12:6 Referans Kwoze

Lucas 18:12

Mamidwa ak a manaayuno ed loob na sakey simba, tan iiter koy kakaplo na amin a nanaalmoan ko!’

Lucas 11:42

“Pakaskasi ki la, sikayon Pariseo! Iiter yoy kakaplo na anggan saray rikado, a singa say paminta, bawang, tan amin a pising, balet sasaolen yoy kapara yon totoo tan ag yo aaroey Dios. Nepeg a gawaen yo ra ya, balet ag yo papaolyan iray arum a ganggan.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Malakias 3:8

Tetepetan ta kayo, maung kasin takewan na too so Dios? Andi-duaruwa ya aliwan maung, balet tatakewan yo ak. “Panon mi kan tatakewan?” tepet yo. Diad saray kakaplo tan diad saray bagat.

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Deuteronomio 26:2

balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.

Deuteronomio 12:17

Ag yo kakanen ed pasen a panayaman yo so dinan man ya ibagat yod Katawan: saray kakaplo na trigo yo, say alak yo, odino say larak na oliba yo, odino saray besag ya anak na saray baka tan saray karniro yo, saray rigalon isipan yon iter ed Katawan, saray bagat yon manlapud mabolus a linawa, odino saray arum a bagat.

Levitico 1:3

No sakey ed saray baka to so isaklang ton bagat a popoolan, nepeg a bakan kalakyan ya anggapoy deral na laman to. Nepeg ton isaklang so baka diad lolooban na samay Tulda pian awaten na Katawan so mangisaklang.

Josue 22:27

no ag ingen sikatoy sakey a tanda a para saray totoo mi tan saray totoo yo, tan ontan met a para saray kailalakan ya ontombuk ed sikatayo, tanda a talagan mangigagalang kamid Katawan diad arapan na masanton Tulda to diad panamegley na saray bagat min popoolan, saray bagat a para kareenan tan arum ni ran bagat. Sikato sirin so pamasakbay ed saray kabyangay boleg yo ya ag da ibagan saray kabyangay boleg mi et anggapoy pibabali rad Katawan.

1 Samuel 1:24

Nen apakso to lay ogaw, inyakar tod Silo. Nanawit na taloy taon a bakan kalakyan, sakey salup ya arina, tan sakey a pananginan a katat a napnoy alak. Ogaw ni sirin si Samuel nen inawit nen ina to ed abung na Katawan diad Silo.

Esdras 3:2

Si Josue a lakin anak nen Josadac, saray kapara ton papari, tan si Zorobabel a lakin anak nen Salatiel tan saray kakanayon to et impaalagey da lamet so altar a para Dios na Israel, pian napampoolan da na saray bagat onung na nisulat ed Ganggan nen Moises a too na Dios.

Nehemias 10:39

Saray totood Israel tan saray Levita et iyakar dad saray kuarton panagsinupan a kawalaan na saray kagawaan na Timplo iray iniiter a trigo, alak, tan larak na oliba. Diay panaayaman na saray paparin liber day mankimey ed Timplo, saray guardiad Timplo, tan saray tumutogtog tan saray kumakanta ed Timplo. Ag mi paolyan so abung na Dios mi.

1 Samuel 1:21

Sinmabi lamet so panaon ya iyakar ed Silo nen Elcana tan say pamilya to a mangisaklang na tinaon a bagat tan say nidoma-doman bagat ya insipan to.

2 Saray Awaran 7:12

Insan diad labi pinmayawar ed sikato so Katawan tan inkuanto, “Nadngel koy pikakasim, kanyan awaten ko yan Timplo a sikatoy pasen a pangisaklangan ed siak na saray bagat.

2 Saray Awaran 31:14

Si Core a lakin anak nen Imna tan sakey a Levita a pangulo da ray guardia ed Puirtay Bokig na Timplo, so makaoley a manawat tan mangibunog na saray rigalon nisaklang ed Katawan.

Nehemias 10:36

Iyakar mid saray papari a manlilingkur ed Dios diad Timplo so pangulowan ya anak min laki, ta isaklang mid Dios, onung na ibabagay Ganggan. Iyakar mi met so besag a kilaw na baka mi tan say besag a kilaw na karniro mi odino say besag na kanding mi.

Saray Salmo 116:17

Itdan ta kay bagat na pisasalamat tan mampikasi ak ed sika.