Deuteronomio 12:26 - Maung A Balita Biblia

²⁶ Iyakar yo samay saksakey a pasen iray bagat yo tan saray rigalon insipan yon iter ed Katawan.

Maung a Balita Biblia

²⁶ Iyakar yo samay saksakey a pasen iray bagat yo tan saray rigalon insipan yon iter ed Katawan.

Deuteronomio 12:26 Referans Kwoze

Saray Bilang 18:19

“Iter kod sika, tan saray anak mon lalaki tan bibii iray amin a nidoma-doman bagat ya insaklang ed siak na saray Israelita; kayaryan yo ra ya anggad angga. Ag naderal yan impisipanan kod sika tan saray kabyangay boleg mo.”

Deuteronomio 12:21

No arawdawin tuloy ed kawalaan yo so pasen a panangigalangan, nayarian yoy mamatas, kapag nanunotan yo, na baka odino karniro ya inter ed sikayo na Katawan, tan nayarin kanen yo yan karni ed abung yo onung na imbagak ed sikayo.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:6

Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

Genesis 28:20

Insan sinambaan tod Katawan a Dios, “No kaiba mo ak lawas tan iyagel mo ak legan na sayan akar ko tan itdan mo ak na kawes tan kakanen,