Deuteronomio 12:25 - Maung A Balita Biblia

²⁵ No onuren yo yan ganggan, napaliket so Katawan, et maung lawas so kipapasen yo tan saray kabyangay boleg yo.

Maung a Balita Biblia

²⁵ No onuren yo yan ganggan, napaliket so Katawan, et maung lawas so kipapasen yo tan saray kabyangay boleg yo.

Deuteronomio 12:25 Referans Kwoze

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Deuteronomio 13:18

no onuren yo ray amin a ganggan ya inter kod sikayo diad sayan agew, tan gawaen yo ray amin a matonung.

Deuteronomio 6:18

Gawa yoy amin a maung tan matonung ed arap na Katawan, et maung lawas so kipapasen yo. Nayarian yon kayaryanen so mataban dalin ya insipan na Katawan ed saray lalaki yo,

Ezekiel 33:25

“Ibagam ed sikara so ibabagak, siak a Katawan a Dios: Mangakan kayoy karnin nandala. Mangigagalang kayod saray talintaoy diriyos. Mampapatey kayo na saray totoo. Panoy pangibabaga yon kayaryan yoy dalin?

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

Saray Salmo 112:2

Magmaliw a makapanyari diad tapew na dalin iray anak na matonung a too; nabindisionan iray kabyangay boleg to.

Deuteronomio 12:28

Pampelengan yon onuren iray amin ya ingganggan kod sikayo, et anggad angga a maung lawas so kipapasen yo, sikayo tan saray kabyangay boleg yo, lapud matonung tan makapaliket ed Katawan a Dios yo so gawaen yo.

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 12:24

Ag yo kakanen so dala; ikalbo yo ingen ed dalin a singa say danum.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Deuteronomio 21:9

Kanyan diad panumpal yod pagagawa na Katawan, ag kayo napakasalanan ed sayan impamatey.