Deuteronomio 12:23 - Maung A Balita Biblia

²³ Balet ag yo kakanen so karnin nandala, ta say bilay wala ed dala, tan ag yo nepeg a kanen so bilay a walad karni.

Maung a Balita Biblia

²³ Balet ag yo kakanen so karnin nandala, ta say bilay wala ed dala, tan ag yo nepeg a kanen so bilay a walad karni.

Deuteronomio 12:23 Referans Kwoze

Levitico 17:11

Walad dala so bilay na amin a pinalsan mabilay; sikato yay makasengeg a say Katawan ingganggan to ya amin a dala et ibungen ed tapew na altar pian naekal iray kasalanan na totoo. Say dala a sikatoy bilay et mamaandi na saray kasalanan.

Genesis 9:4

Say ag nayarin kanen yo et say karni a nandala, ta walad dala so bilay.

Deuteronomio 12:16

Balet ag yo nepeg a kanen so dala ra; nepeg yon ikalbo ed dalin a singa say danum.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

Mateo 20:28

a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.”

Saray Gawgawa 15:20

Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Levitico 7:26

Anggan iner so panaayaman na saray Israelita, ag da nepeg a kanen so dala na manok odino ayep.

Levitico 17:10

No walay Israelita odino sangkailin manaayam ed kawalaan da ray Israelita a mangan na dala, sumpaen na Katawan tan ag to la ibilang a sakey ed saray totoo to.

Levitico 19:26

“Ag kayo mangakan na karnin nandala ni. Ag kayo manggagawa na antokaman a panagbuyon odino panagsalamangka diad pananulong na maoges ya ispiritu.

Deuteronomio 12:22

Siopamay malinis odino marotak onung ed ganggan, nayarin mangan na sayan karni, a singa pangan to na karniy gasila tan ulsa.

Deuteronomio 12:24

Ag yo kakanen so dala; ikalbo yo ingen ed dalin a singa say danum.

Deuteronomio 15:23

Balet ag yo kakanen so dala ra; ikalbo yo ingen ed dalin a singa say danum.

1 Samuel 14:32

kanyan nanlulumbaan irad saray asamsam dad saray kalaban da, inaala da ray karniro, saray baka, tan saray kilaw, pinapatas da ran tampol diman, tan kinakakan da ran walay dala.

1 Samuel 14:33

Nibagad kinen Saul, “Nengneng mo, mankakasalanan ed Katawan iray totoo diad papangan day karnin walay dala.” “Traidor kayo!” eyag nen Saul. “Mangitolin kayo diad abay ko na baleg a bato.”

Ezekiel 33:25

“Ibagam ed sikara so ibabagak, siak a Katawan a Dios: Mangakan kayoy karnin nandala. Mangigagalang kayod saray talintaoy diriyos. Mampapatey kayo na saray totoo. Panoy pangibabaga yon kayaryan yoy dalin?