Deuteronomio 12:21 - Maung A Balita Biblia

²¹ No arawdawin tuloy ed kawalaan yo so pasen a panangigalangan, nayarian yoy mamatas, kapag nanunotan yo, na baka odino karniro ya inter ed sikayo na Katawan, tan nayarin kanen yo yan karni ed abung yo onung na imbagak ed sikayo.

Maung a Balita Biblia

²¹ No arawdawin tuloy ed kawalaan yo so pasen a panangigalangan, nayarian yoy mamatas, kapag nanunotan yo, na baka odino karniro ya inter ed sikayo na Katawan, tan nayarin kanen yo yan karni ed abung yo onung na imbagak ed sikayo.

Deuteronomio 12:21 Referans Kwoze

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Esdras 6:12

Say Dios ya amilid Jerusalem a pasen a panangigalangan ed sikato et taloen to komun so siopaman ya ari o dinanman a bansan ag mangitaltalek ed sayan ganggan tan salien ton deralen so Timplod tan. Siak, si Dario, so mangigaganggan. Nepeg a sigput so pangonur ed ganggan ko.”

2 Saray Awaran 12:13

Nanoley ed Jerusalem si Roboam tan pinmalaloy pakayari ton ari. Apataplo tan sakey so taon to nen nagmaliw ya ari. Nanoley na labimpitoy taon ed Jerusalem, say siudad a pinili na Katawan, diad intiron dalin na Israel a pasen a pangigalangan ed Katawan. Say ina nen Roboam et si Naama a taga Ammon.

1 Saray Arari 14:21

Apataplo tan sakey so taon nen Roboam a lakin anak nen Solomon nen nagmaliw ya ari na Juda, tan nanoley na labinpitoy taon ed Jerusalem, say siudad a pinili na Katawan ed intiron dalin na Israel a pangigalangan ed sikato. Si Naama a taga Ammon so ina nen Roboam.

Deuteronomio 26:2

balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 12:15

“Nayarian yoy mamatas tan mangan na saray ayep yo diad iner may panayaman yo. Nayarin kanen yo so anggan anton karakel ya iter ed sikayo na Katawan. Malinis may marotak kayo onung ed ganggan, nayarian yo ran kanen a singa pangan yo na karniy gasila tan ulsa.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Deuteronomio 12:20

“No apaawang la na Katawan a Dios yo so dalin yo onung na insipan to, nayarian yoy mangan na karni kapag nanunotan yo.

Deuteronomio 12:22

Siopamay malinis odino marotak onung ed ganggan, nayarin mangan na sayan karni, a singa pangan to na karniy gasila tan ulsa.