Deuteronomio 12:12 - Maung A Balita Biblia

¹² Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Maung a Balita Biblia

¹² Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Deuteronomio 12:12 Referans Kwoze

Deuteronomio 12:7

Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Deuteronomio 26:12

“Kapag kumatlon taon iter yod saray Levita, saray sangkaili, saray olila, tan saray bibiin balo, so kakaplon bunga na saray tanaman yo, pian iner man a baley walay napambilay da. No agawaan yo la ya,

Deuteronomio 10:9

Sikato yay makasengeg a say tribu nen Levi et ag ira angawat na parti na dalin ya aliwan singa saray arum a tribu; say inawat da et samay pankanawnawa ran manlingkur ed Katawan, onung na insipan na Katawan a Dios yo.)

Deuteronomio 14:29

Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Deuteronomio 12:19

Ag yon balut papaolyan iray Levita legan na panayam yod dalin yo.

Saray Salmo 147:1

Idayew yoy Katawan! Maung so mankantay pangidayew ed Dios tayo; maabig tan makapaliket so pangidayew ed sikato.

2 Saray Awaran 29:36

Makaliliket si Ari Ezekias tan saray totoo, lapud tinulongan ira na Dios ed maganon impanumpal dad saray amin.

1 Saray Arari 8:66

Diad kumawalon agew, pinasempet la nen Solomon iray totoo. Inggalang na amin a totoo si Ari Solomon tan sinmempet iran maliket lapud amin a bindision ya inter na Katawan ed aripen ton David tan saray totoo ton Israelita.

Josue 13:33

Balet anggapoy dalin ya impabetang nen Moises ed tribu nen Levi. Imbaga tod sikara a say betang da et say apag da ed saray bagat ed Katawan a Dios na Israel.

Saray Bilang 18:20

Say Katawan kuantod kinen Aaron, “Ag ka mangaawat na antokaman a kayaryan a nayarin tawiren, tan anggapoy nepeg ya ipabetang ed sikan parti na dalin. Siak a Katawan labat so nakaukolan mo.”

Josue 13:14

Si Moises ag to initdan na dalin so tribu nen Levi. Onung na imbaga na Katawan ed kinen Moises, say betang na saray Levita et say apag da ed saray bagat a popoolan ed altar na Katawan a Dios na Israel.

Deuteronomio 18:6

“Anggan siopan Levita a taga inerman a baley ed Israel et nayarian toy onla ed samay pasen a panangigalangan

Deuteronomio 16:14

Manliket kayo a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Juan 13:8

Inkuanen Pedro ed sikato, “Ag kon balut paorasan iray salik ed sika!” Inmebat si Jesus, “No ag mo ra paorasan ed siak, anggapo siriy pibibiang mod siak.”

Saray Gawgawa 8:21

Anggapoy betang odino kanepegan mod sayan kimey, ta marotak ed arap na Dios so pusom.

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

Deuteronomio 26:11

Misalamat kayo lapud saray maabig a bengatla ya inter na Katawan a Dios yo ed sikayo tan say pamilya yo; insan pinabang yod liket yo iray Levita tan saray sangkaili a manaayam ed kawalaan yo.

Nehemias 8:9

Nen nadngel na saray totoo so labay ya ibaga na Ganggan, atenyeg so puso ra kanyan nanaakis ira. Saray mangipapaliwawa na Ganggan a di Nehemias a gobirnador, Esdras a pari tan iskriba, tan saray Levita, et inkuanda sirin ed amin a totoo, “Masanto yan agew ed Katawan a Dios yo, kanyan ag kayo nepeg a manermen odino onakis.

Levitico 23:40

Diad satan ya agew mangala kayoy pigaran sankaabigan a bungay kiew, saray sangay kiew a palmira tan saray sangay mabolung a kiew tan igapo yoy mampista a pangigalang yod Katawan a Dios yo.

Deuteronomio 27:7

tan diman kayo mangisaklang tan mangan na saray bagat a para kareenan, tan manliket kayod arap na Katawan a Dios yo.