Deuteronomio 12:11 - Maung A Balita Biblia

¹¹ Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Maung a Balita Biblia

¹¹ Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:11 Referans Kwoze

Deuteronomio 15:20

Tinaon, sikayo tan saray kabyangay pamilya yo et nepeg a kanen yo ra ed arap na Katawan diad samay pasen a panangigalangan.

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Deuteronomio 18:6

“Anggan siopan Levita a taga inerman a baley ed Israel et nayarian toy onla ed samay pasen a panangigalangan

Deuteronomio 17:8

“Nayarin wala ray kason mairap a tuloy a sintinsiaan na saray huis ed baley, a singa bilang saray kason nipaakar ed saray kayaryan, odino impakasugat ed laman, odino ed impamatey ed too. No onyay nagawa, laka yod samay pasen a panangigalangan a pinili na Katawan a Dios yo,

Jeremias 7:12

Laka yod Silo, say inmonan pasen a pinilik a pangigalangan ed siak, tan nengneng yo no antoy ginawak ed sikato lapud saray kaogsan na saray totook ya Israel.

Saray Salmo 78:68

Ingen pinili toy tribu nen Juda tan say Palandey na Sion ya inararo to.

1 Saray Arari 8:29

Bantayan mo pad agew tan labi yan Timplo, say pasen a pinilim a pangigalangan ed sika. Dengel mo ak pa sirin legan kon mampipikasi ya akaarap ed sayan Timplo.

1 Saray Arari 8:13

Amaalagey ak na marakerakep a Timplon para sika, sakey a pasen a panayaman mo diad ando lan ando.”

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Deuteronomio 31:11

Ibasa yod saray totood Israel no onla rad samay pasen na panangigalangan a mangigalang irad Katawan a Dios yo.

Deuteronomio 26:2

balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.

Deuteronomio 23:16

Nayarin manayam ed anggan dinan a baley a pilien to ed saray baley yo, tan nepeg ya ag yo pairapen.

Deuteronomio 14:23

Insan kayo onla ed sakey a pasen a pinili na Katawan a Dios yo a pangigalangan ed sikato; et diad arap tod man akan yoy kakaplo na trigo yo, alak yo, larak na oliba yo, tan besag ya anak na baka tan karniro yo. Gawa yoy onya pian naaralan yon takotan lawas so Katawan a Dios yo.

Deuteronomio 12:26

Iyakar yo samay saksakey a pasen iray bagat yo tan saray rigalon insipan yon iter ed Katawan.

Deuteronomio 12:21

No arawdawin tuloy ed kawalaan yo so pasen a panangigalangan, nayarian yoy mamatas, kapag nanunotan yo, na baka odino karniro ya inter ed sikayo na Katawan, tan nayarin kanen yo yan karni ed abung yo onung na imbagak ed sikayo.

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

Deuteronomio 12:14

nepeg yo ran isaklang labat ed saksakey a pasen a pilien na Katawan ed dalin na sakey ed saray tribu yo. Diman labat so pangisaklangan yo na saray bagat a popoolan tan diman so panggawaan yod amin ya ingganggan kod sikayo.

Exodo 25:8

Saray totoo et nepeg a manggawa ra na masanton Tuldan para siak, pian makapanayam ak ed kawalaan da.

Exodo 29:45

Manayam ak ed kawalaan na saray Israelita tan siak so Dios da.

Deuteronomio 12:13

Ag nepeg a mangisaklang kayo na saray bagat ed inerman a pasen a labay yo;

Josue 22:23

No sinumpa miy Katawan ta nanggawa kamiy altar min dili a pampoolan mid saray bagat odino ikana min pangisaklangan na saray bagat a trigo odino saray bagat a para kareenan, sikato lan dili so manusad sikami.

Josue 22:27

no ag ingen sikatoy sakey a tanda a para saray totoo mi tan saray totoo yo, tan ontan met a para saray kailalakan ya ontombuk ed sikatayo, tanda a talagan mangigagalang kamid Katawan diad arapan na masanton Tulda to diad panamegley na saray bagat min popoolan, saray bagat a para kareenan tan arum ni ran bagat. Sikato sirin so pamasakbay ed saray kabyangay boleg yo ya ag da ibagan saray kabyangay boleg mi et anggapoy pibabali rad Katawan.

1 Samuel 1:21

Sinmabi lamet so panaon ya iyakar ed Silo nen Elcana tan say pamilya to a mangisaklang na tinaon a bagat tan say nidoma-doman bagat ya insipan to.

1 Saray Arari 8:16

‘Manlapud samay agew ya impangipaway kod Egipto na saray totook ya Israelita, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak. Balet pinili ta ka, David, a manoley ed saray totook.’”

2 Saray Awaran 6:20

Bantayan mo pad agew tan labi yan Timplo, say pasen ya insipan mon pangigalangan ed sika. Dengel mo ak pa sirin legan kon mampipikasi ya akaarap ed sayan Timplo.

2 Saray Awaran 7:12

Insan diad labi pinmayawar ed sikato so Katawan tan inkuanto, “Nadngel koy pikakasim, kanyan awaten ko yan Timplo a sikatoy pasen a pangisaklangan ed siak na saray bagat.

Esdras 6:12

Say Dios ya amilid Jerusalem a pasen a panangigalangan ed sikato et taloen to komun so siopaman ya ari o dinanman a bansan ag mangitaltalek ed sayan ganggan tan salien ton deralen so Timplod tan. Siak, si Dario, so mangigaganggan. Nepeg a sigput so pangonur ed ganggan ko.”

Saray Salmo 100:2

Igalang yoy Katawan a magayaga; dago kayon mankanta ed arap to!

Deuteronomio 15:19

“Ibiig yon para Katawan a Dios yo ray amin a besag a kalakyan a kilaw na baka tan karniro yo; ag yo pankikimey ira yan baka tan ag yo kakatlian ira yan karniro.

Josue 9:27

Balet impagmaliw to ran aripen a managalay kiew tan managasol na danum na saray totood Israel; sikara met so manangiter na kiew tan danum a para altar na Katawan. Anggad sayan panaon itutuloy da ni yan kimey ed pasen a pinili na Katawan a pangigalangan ed sikato.

Josue 22:11

Nibagad saray arum a totood Israel, “Dengel kayo! Saray totood tribu di Ruben, Gad, tan say kapaldua na Manases et angipaalagey ira na altar diad Gelilot, diad kawalaan tayon dapag na Jordan!”

Josue 22:16

Insan insalitaan day amin a totoo na Katawan ya inkuanda, “Akin et ginawa yo yan kaogsan a sumpad Dios na Israel? Sinumlang yoy Katawan diad impamaalagey yod sayan altar a para sikayon dili! Ag yo la oonuren so Katawan!

Josue 22:29

Anggapon balut so getma min onsumpad Katawan odino ontonda kamin ontombuk ed sikato diad panggawa miy sakey ya altar a pangisaklangan mi na saray bagat a para kareenan odino saray bagat a trigo odino arum ni ran bagat. Ag mi kaduaan imay altar a walad arap na Tuldan Ayaman to.”

2 Saray Arari 18:22

Insan inkuan ni na samay sakey ya opisyal na Asiria, “Nayarin ibaga yod siak a manmamatalek kayod Katawan a Dios yo. Balet ag ta dineral nen Ezekias iray altar na Katawan tan saray pasen a panangigalangan ed sikato, insan imbaga tod saray totood Juda tan Jerusalem a diad altar ed Jerusalem labat so pangigalangan da?

1 Saray Awaran 22:1

Kanyan inkuanen David, “Dia so pangipaalageyan na Timplo na Katawan a Dios. Dia so kiwalaay altar a pangisaklangan na saray totood Israel na saray bagat a popoolan.”

Saray Salmo 66:13

Mangawit ak ed abung mo na saray bagat a popoolan; isaklang kod sika ray insipan ko.

Saray Salmo 116:17

Itdan ta kay bagat na pisasalamat tan mampikasi ak ed sika.