Deuteronomio 12:10 - Maung A Balita Biblia

¹⁰ No nabaliw yo lay Ilog na Jordan, say Katawan pasakop tod sikayo so dalin tan manayam kayod man. Ag to kayo la pasigen-sigen ed amin a kalaban yo, tan manayam kayod man ya arawid kaatapan.

Maung a Balita Biblia

¹⁰ No nabaliw yo lay Ilog na Jordan, say Katawan pasakop tod sikayo so dalin tan manayam kayod man. Ag to kayo la pasigen-sigen ed amin a kalaban yo, tan manayam kayod man ya arawid kaatapan.

Deuteronomio 12:10 Referans Kwoze

Ezekiel 34:28

Ag la ran balut samsaman na saray bansan anggapoy Dios da, tan ag la ra buagen na saray ayayep ed takel. Mambilay la ran arawid kaatapan, tan anggapo lay manaktakot ed sikara.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Deuteronomio 11:31

Ngalngali yo la baliwen so Ilog na Jordan tan panayaman so dalin ya iter ed sikayo na Katawan a Dios yo. No naala yo tan napanayaman yo la,

Deuteronomio 4:22

Siak ompatey ak ed sayan dalin tan ag kon balut nabaliw so ilog, balet sikayo ngalngali yo la nabaliw tan napanayaman iman a mataban dalin.

Deuteronomio 3:27

Lakad toktok na Palandey na Pisga ta bantag kad baybay, diad abalaten, diad bokig, tan diad sagur. Apiapiger mon imanoen so nabantag mo, ta ag kan balut makabaliw ed Ilog na Jordan.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Ezekiel 34:25

Misipanan ak ed sikara tan sayan sipanan et mangyarawi ed sikara ed maoges. Paandien kod dalin iray maruksan ayayep, pian arawid kaatapan iray karnirok diad panayaman dad saray kaalogan tan diad iyogip dad katakelan.

Ezekiel 28:26

Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.”

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Probirbio 1:33

Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

Saray Salmo 4:8

No ondokul ak, mareen so pakaogip ko, ta sika labat, Katawan, so mangyaarawid siak ed kaatapan.

1 Saray Arari 4:25

Legan ton nambilay, arawid kaatapan iray totood Juda tan Israel; balang pamilya wala ray tanaman ton ubas tan kakiewan ya igos.

1 Samuel 7:12

Insan angalay Samuel na sakey a bato, tan inyan tod ketegan na Mizpa tan Sen, tan inngaran to na Ebenezer, ta inkuanto, “Tinulongan itayo na Katawan.”

Josue 4:12

Saramay lalakin kabyangan na saray tribu di Ruben, Gad, tan kapalduay Manases, ya akaparaan iran mibakal, et inmona ran binmaliw onung na imbaga nen Moises a gawaen da.

Josue 3:17

Nen ombabaliw ed amagan dalin ira may totoo saramay paparin manasakbat ed samay Kaban na Sipanan et nanalagey irad amagan dalin ed pegley na Ilog na Jordan anggad akabaliw ya amin iray totoo.

Deuteronomio 33:28

Kanyan manaayam ya arawid kaatapan iray kabyangay boleg nen Jacob, mareen so bilay dad sakey a dalin a daakan so trigo tan alak, diad dalin a linaew so manasalog.

Deuteronomio 33:12

Nipaakar ed tribu nen Benjamin inkuanto: “Sikato yay tribu ya inaro na Katawan tan iyaagel to; Guaguardiaan to ran sanagew Tan manaayam ed pegley da.”

Deuteronomio 9:1

“Dengel kayo, sikayon totood Israel! Natad sayan agew ngalngali yo la baliwen so Ilog na Jordan tan panayaman so dalin a kayaryan na saray bansan ankabaleg tan makapanyari nen say sikayo. Ankakabaleg iray siudad da ya anggad tawen iray padir da.

Exodo 33:14

Say Katawan kuanto, “Mila ak ed sikayo, tan panaloen ta kayo.”

Josue 11:23

Adakep nen Josue so intiron dalin, onung na ingganggan na Katawan ed kinen Moises. Inter nen Josue so dalin ed saray Israelita; inaapag tod balang tribu. Tinmonda ray bakal kanyan nainawaan iray totood Israel.

1 Saray Arari 8:56

“Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

Josue 14:1

Say onggendan et say inkaapag na dalin na Canaan a nisagur na Ilog na Jordan. Saray angapag na dalin ed saray katoowan et si Eleazar a pari, si Josue a lakin anak nen Nun, tan saray pangulo da ray pamilya na saray tribu na Israel.

1 Saray Awaran 22:18

Inkuanto, “Walad sikayoy Katawan a Dios yo tan initdan to kayoy kareenan ed kaliber-liber yo. Impadakep tod siak iray amin a totoon nanaayam ed sayan dalin, tan wala la rad silong na pakaoley yo tan diad Katawan.

Ezekiel 38:11

Getmaen moy onloob ed sakey a bansan ag to niagel so sikaton dili, a mambibilay iray totoo ed kareenan tan arawi rad kaatapan diad saray baley ya anggapoy padir tan makapangyagel.