Deuteronomio 11:17 - Maung A Balita Biblia

¹⁷ No onyay gawaen yo, mampasnuk ed sikayo so Katawan. Ag to papelagen so oran, et onkelang so dalin yo tan anggapoy ontubon tanaman. Insan ag mabayag, ompatey kayod man, anggaman a maung iman a dalin ya iter tod sikayo.

Maung a Balita Biblia

¹⁷ No onyay gawaen yo, mampasnuk ed sikayo so Katawan. Ag to papelagen so oran, et onkelang so dalin yo tan anggapoy ontubon tanaman. Insan ag mabayag, ompatey kayod man, anggaman a maung iman a dalin ya iter tod sikayo.

Deuteronomio 11:17 Referans Kwoze

1 Saray Arari 8:35

“No mankasalanan ed sika ray totoom, et dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

Amos 4:7

Ag ko pinaoran nen nakaukolan lan mapalalo na saray tanaman yo so danum. Angipelag ak na oran ed sakey a siudad, balet ag ko pinaoran ed arum a siudad. Inmoran ed sakey ya alog, balet andi ed arum.

2 Saray Awaran 6:26

“No mankasalanan ed sika iray totoom tan dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

Deuteronomio 6:15

No mangigalang kayod arum a diriyos, ondalang a singa apoy so pasnuk na Katawan ed sikayo tan sigput to kayon pateyen, ta say Katawan a Dios yo a kaolup yo et maimon.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.

2 Saray Awaran 7:13

Kapag ag ko paoranen, odino kapag mangibaki ak na saray dorun a mangan ed saray tanaman, odino mangipadalan ak na salot ed saray totook,

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Deuteronomio 9:19

Antakot ak ed samay mapalalon pasnuk na Katawan, ta lapud mapalalon pasnuk to, akaparaan lan mamatey ed sikayo; balet dinengel to ak ni lamet.

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Say Libro nen Job 12:15

No paeren na Dios so oran namagaan so dalin; no ibolus toy oran onsabiy delap.

Levitico 26:19

Patondaen koy ontan lan inkamapaatagey yo; anggapoy ompelag ya oran, et onmaga so dalin yo tan onawet a singa balatyang.

Levitico 26:20

Anggapoy nagonggona yod pinasian pansagput yo, lapud ag mangiter na bunga so dalin yo tan ag mambunga so kakiewan yo.