Deuteronomio 11:16 - Maung A Balita Biblia

¹⁶ Manalwar kayo ta ompan napalingo kayo et ikaindan yoy Katawan tan mangigalang tan manlingkur kayod arum a diriyos.

Maung a Balita Biblia

¹⁶ Manalwar kayo ta ompan napalingo kayo et ikaindan yoy Katawan tan mangigalang tan manlingkur kayod arum a diriyos.

Deuteronomio 11:16 Referans Kwoze

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

Say Libro nen Job 31:27

Ag ak atukso a manggawa ed saya, diad impangangub kod limak a pangigalang ed sarayan pinalsa.

Santiago 1:26

No ipasen na siopaman a sikatoy rilihioso, balet et ag to napatonday sangi tod panagsalitay kaogsan, titilaan to labat so sikaton dili tan andi-kakanaay rilihion to.

Deuteronomio 29:18

Manalwar kayo ya anggapoy sakey a laki, bii, pamilya, odino tribu a manalalagey natad sayan agew a mangikaindan ed Katawan a Dios tayo pian mangigalang ed saray diriyos na arum a bansa. Singa ya sakey a lamut a magmaliw ya ampait tan samal a tanaman.

1 Juan 5:21

Anak, manalwar kayon maung ed talintao da ray tila-tilan diriyos!

Lucas 21:34

“Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Isaias 44:20

Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

Deuteronomio 30:17

Balet no sumlangen yo tan ag yo dengelen, tan napalingo kayon mangigalang ed saray arum a diriyos,

Deuteronomio 8:19

Ag yo lilingwanan so Katawan a Dios yo, ag kayo onsisingger ed saray diriyos a igalang tan panlingkuran yo. No gawaen yo ya, pasakbayan ta kayo natan ya andi-saew ya ompatey kayo.

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Saray Hebreo 4:1

Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Lucas 21:8

Inkuanen Jesus, “Manalwar kayo tan ag kayo palilingo ed siopaman! Ta amayamay iray onsabi tan ikana ray ngaran ko ya ikuanda, ‘Siak so Cristo!’ tan ‘Sinmabi lay panaon!’ Balet ag yo ra totombuken.

Deuteronomio 13:3

ag yo dedengelen. Say Katawan a Dios yo et ikana to a panubok ed sikayo, pian naamtaan to no kasi inaro yo ed intiron puso yo tan intiron kamarerwa yo.

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

1 Samuel 12:20

“Ag kayo natatakot,” ebat nen Samuel. “Anggaman a ginawa yo yan kaogsan, ag yo komun ipopolisay so Katawan, no ag ingen panlingkuran yod intiron puso yo.

1 Samuel 12:21

Ag kayo manlilingkur ed saray tila-tilan diriyos; ag da kayo natulongan odino nilaban, ta aliwa ran peteg a Dios.

1 Saray Arari 8:35

“No mankasalanan ed sika ray totoom, et dusaen mo ra diad panamegley na ag mo pangiter na oran, insan ira magbabawi tan onarap irad sayan Timplo diad pampikasi ra,

Deuteronomio 5:7

“Ag mo igagalang iray arum a diriyos; siak labat so igalang mo.

Deuteronomio 12:30

Kayarin deralen na Katawan ira yan bansa, manalwar kayo, ta ompan napatitan kayon mangigalang ed saray diriyos da. Ag yo oosisaen no panoy panangigalang da, ompan aligen yo ra.

Deuteronomio 17:3

diad panamegley na pangigagalang tan panlilingkur tod saray diriyos odino diad agew odino diad bulan odino diad saray bitewen, a sumlang ed ganggan na Katawan,

Deuteronomio 28:14

Balet ag nepeg a sumlangen yo ra diad anggan anton pamaakaran; ag nepeg met a mangigalang tan manlingkur kayod saray diriyos.

Deuteronomio 29:17

Anengneng yo ray makapaingungot a talintao ran kiew, bato, pilak, tan balituk.