Deuteronomio 11:14 - Maung A Balita Biblia

¹⁴ No onuren yo, ipelag toy oran ed dalin yo no panaon na pankaukolan, pian walay trigo, alak, tan larak a para sikayo,

Maung a Balita Biblia

¹⁴ No onuren yo, ipelag toy oran ed dalin yo no panaon na pankaukolan, pian walay trigo, alak, tan larak a para sikayo,

Deuteronomio 11:14 Referans Kwoze

Santiago 5:7

Kanyan, agagik, mananos kayo anggad isabiy Katawan. Imano yoy dumaralus. Aanosan ton maung ya alagdey mabmabli ran bungay dalin a daralusan to, tan say iterter na onaan tan kaonuran ya oran.

Levitico 26:4

mangipelag ak na oran no manepeg a panaon, pian makapangiter na bunga so dalin tan makapambunga ray kakiewan.

Ezekiel 34:26

“Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.

Deuteronomio 28:12

Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

Levitico 26:3

“No mambilay kayo onung ed saray ganggan ko tan onuren yo ray bilin ko,

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Jeremias 5:24

Ag yon balut ninunot a pagalangan ak, anggaman a siak so mangiiter na oran ed tiagew tan say oran ed nepnep tan siak so mangiiter a tinaon na panaon na panagani.

Joel 2:19

Say Katawan inmebat ed sikara: “Itdan ta kayo la na trigo, alak, tan larak na oliba, et napenek kayo. Ag kayo la balawen na arum a bansa.

Malakias 3:11

Ag ko abuloyan a deralen na saray bigis iray tanaman yo, et diad ontan mambunga na amayamay iray sengeg na ubas yo.