Deuteronomio 10:21 - Maung A Balita Biblia

²¹ Idayew yo—sikatoy Dios yo, tan anengneng na dilin mata yo iray ankakabaleg tan makapakelkelaw a ginagawa ton para sikayo.

Maung a Balita Biblia

²¹ Idayew yosikatoy Dios yo, tan anengneng na dilin mata yo iray ankakabaleg tan makapakelkelaw a ginagawa ton para sikayo.

Deuteronomio 10:21 Referans Kwoze

Jeremias 17:14

Katawan, tambal mo ak pa, et sigput ak ya onabig; iyagel mo ak, et sigput ak a nilaban. Sika so idadayew ko!

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

Saray Salmo 22:3

Balet sika so Masanto ya akayorung ed trono, say dadayewen na Israel.

2 Samuel 7:23

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa tan saray diriyos da legan a mankukurang iray totoom, saray totoon impaway mod Egipto pian nakayaryan mo ra.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Lucas 2:32

Say silew a mamaliwawad saray Hintil, tan mangiter na dayew ed bansam ya Israel.”

Isaias 64:3

Wala may panaon a dinmago ka tan nanggawa ka na saray makapataktakot a bengatlan ag mi inilaloan. Anengneng ka na saray kapalandeyan tan ginmiwgiw irad takot da.

Isaias 60:19

“Diad satan aliwa lan agew so manliwawad sika no agew Odino say bulan so silew mo no labi; Ta siak a Katawan so magmaliw ya andi-anggaan a silew mo; Onsinag ed sika so silew na kagalangan ko.

Saray Salmo 109:1

Idadayew ta ka, O Dios; ag ka pa marereen!

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.

Saray Salmo 145:6

Salitaen na katoowan iray makapanyarin gawgawam, tan ibawag koy inkatalonggaring mo.

Saray Salmo 148:14

Pinabiskeg toy bansa to, pian idayew na amin a totoo to— saray totood Israel a mabli ran tuloy ed sikato. Idayew yoy Katawan!

Exodo 34:10

Say Katawan kuantod kinen Moises, “Misipanan ak natan ed saray Israelita. Diad arap da manggawa ak na saray makapakelaw a bengatla ya ag nin balut agawa ed inerman a pasen diad saray bansa ed tapew na dalin. Amin a katoowan nanengneng da ray makapakelaw a gawaen ko, siak a Katawan, lapud manggawa ak para sikayo na makapakebyew a bengatla.

Josue 24:18

Legan tayon lolooban yan dalin, pinataynan to ray Amorreo a manaayam dia. Kanyan manlingkur kami met et Katawan; sikato so Dios tayo.”