Deuteronomio 10:2 - Maung A Balita Biblia

² ta itatak kod saray pagagawak ed sikan tapyak a bato iray intatak kod saramay imbetag mo, insan mo ra ikarga ed Kaban.’

Maung a Balita Biblia

² ta itatak kod saray pagagawak ed sikan tapyak a bato iray intatak kod saramay imbetag mo, insan mo ra ikarga ed Kaban.

Deuteronomio 10:2 Referans Kwoze

1 Saray Arari 8:9

Anggapoy arum a karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray Israelita nen tataynan day Egipto.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

Deuteronomio 10:5

insan inmakseb ak nanlapud palandey. Insan onung na ingganggan na Katawan, inkargak ira ed samay Kaban a ginawak, et wadman ni ra ya anggad natan.” (

Deuteronomio 4:13

Imbaga tod sikayo so nepeg yon gawaen pian nasumpal yo so impisipanan tod sikayo—nepeg yon onuren so Samploran Ganggan ya insulat tod duaran tapyak a bato.

Exodo 40:20

Insan to inala ra may duaran tapyak a bato tan inyan to rad dalem na Kaban na Sipanan. Insorub tod saray liken na Kaban iray tiken tan inlira tod tapew na Kaban imay sakub.

Exodo 34:1

Say Katawan kuantod kinen Moises, “Manabas ka na duaran tapyak a bato a singa saramay inmona, ta itatak kod sikara iray salitan nitatak ed saramay inmonan duaran tapyak a bato ya imbetag mo.

2 Saray Awaran 5:10

Anggapoy karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray totood Israel nen tataynanan day Egipto.

Exodo 32:19

Nen asingger lay Moises ed kampo tan nabantag to la may bakan kalakyan tan saray totoon mansasayaw-sayaw, mapalaloy impakapasnuk to. Dimad alusadsar na palandey imbantak to ra may awit ton tapyak a bato, et apisagpisag ira.