Deuteronomio 10:18 - Maung A Balita Biblia

¹⁸ Iyaalagey toy pankatonungan da ray olila tan saray balo; inaro to ray sangkaili a manaayam ed kawalaan da ray totoo tayo, tan iitdan to ra na tagano tan kawes.

Maung a Balita Biblia

¹⁸ Iyaalagey toy pankatonungan da ray olila tan saray balo; inaro to ray sangkaili a manaayam ed kawalaan da ray totoo tayo, tan iitdan to ra na tagano tan kawes.

Deuteronomio 10:18 Referans Kwoze

Saray Salmo 146:9

Iyaagel to ray sangkailin manaayam ed bansa tayo; tutulongan to ray balo tan saray olila, balet iyaakar to ray totoon maoges ed kaderalan da.

Saray Salmo 68:5

Say Dios a manaayam ed masanton Timplo to et aasikasoen to ray olila tan iyaagel to ray bibiin balo.

Jeremias 49:11

Itilak mod siak iray ulilan anak mo, ta asikasoen ko ra. Nayarin manmatalek ed siak iray babalom a bibii.

Isaias 1:17

tan manaral kayo lan manggaway kamaungan. Ipakurang yoy kaptekan ed saray katoowan—tulongan yo ray napapairap, iyagel yo ray olila, tan imasakit yo ray balo.”

Saray Salmo 145:9

Sikatoy maung ed amin a too tan mapangasi ed amin a pinalsa to.

Saray Salmo 103:6

Diad pananintinsia na Katawan pipilaan to ray napapairap, tan iiter toy kanepegan da.

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Exodo 22:22

Ag yo papairapen so siopaman a balon bii odino siopaman ya olila.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Exodo 22:23

No pairapen yo ra, siak a Katawan ebatan ko ra no onkerew irad siak na tulong,

Saray Bilang 10:32

No mila kad sikami, pinabangen mi kad amin a bindision ya iter ed sikami na Katawan.”

Deuteronomio 27:19

“‘Napelag komun so samba na Dios ed siopaman ya ag mangiter na kanepegan da ray sangkaili, saray olila, tan saray bibiin balo.’ “Insan onebat iray amin a totoo, ‘Amen!’

2 Saray Awaran 19:7

Takotan yoy Katawan tan apiger yoy antokaman a gawaen yo, lapud say Katawan a Dios tayo et ag to labay so pamikewet ed katunongan, odino say panaglabi, odino say pangawat na pasoksok.”

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

Exodo 22:21

“Ag yo lulukoen odino papairapen so sangkaili; ag yo lilingwanan a sangkaili kayo met nen saman ed Egipto.

Levitico 25:35

No nagmaliw a mairap so bilay na kapara yon Israelita a kaabay yo tan ag to nayarian a bilayen so sikaton dili, nepeg yon itdan na pantagano to a singa pangiter yod toon uupaan yon mankimey, pian nayarian toy mansiansian manayam ed abay yo.

Saray Salmo 10:18

Dengelen moy tawag da ray napapairap tan saray olila; diad pananintinsiam kilingan mo ra pian ag la makapantaktakot iray totoon ompatey met lamlamang.

Saray Salmo 68:6

Iitdan toy abung a panayaman so toon maermen, tan paliliketen to ray priso diad pangibolus tod sikara, balet nepeg a manayam ed kalawakan iray totoon mananumpa.