Deuteronomio 10:17 - Maung A Balita Biblia

¹⁷ Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Maung a Balita Biblia

¹⁷ Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Deuteronomio 10:17 Referans Kwoze

Saray Gawgawa 10:34

Insan nampaliwaway Pedro: “Natan ko la atebek ya anggapoy lalabien na Dios.

Saray Taga Roma 2:11

Ta anggapoy nilabi ed pangipapasen na Dios ed amin a katoowan.

TAGA GALACIA 2:6

Balet saray nabibirbir a pangulo—anggapoy walad siak, anggan siopa ra, ta anggapoy lalabien na Dios—anggapo met so inyarum dad saray imbabagak.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

Nehemias 9:32

“O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”

TAGA-EFESO 6:9

Sikayo ran amo, nepeg a maung kayod saray aripen yo, tan ag yo la ra tataktakoten. Ta amta yo a nampapara kayon kayaryan na saksakey a Katawan a walad tawen a namparay pangipapasen tod amin a katoowan.

Josue 22:22

“Say Makapanyari et say Dios! Sikato so Katawan! Say Makapanyari et say Dios! Sikato so Katawan! Amta to no akin et ginawa mi yan altar, tan labay mi met a naamtaan yo no akin! No sinumpa mi so Katawan tan inekal miy pananisia mid sikato, patey yo kami la natan.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Saray Salmo 99:3

Idayew na amin a katoowan so matalonggaring tan mapagalang a ngaran to. Sikatoy masanto!

Nehemias 1:5

“Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Nehemias 4:14

Anengneng kon mapaga ray totoo, kanyan inkuankod sikara, saray pangulo ra, tan saray opisyal da, “Ag kayo natatakot ed saray kalaban tayo. Nudnunot yo a matalonggaring tan makapataktakot so Katawan. Milaban kayo a pangyagel yod saray kadalaan yo, saray anak yo, saray kaasawaan yo, tan saray kaabungan yo.”

2 Saray Awaran 19:7

Takotan yoy Katawan tan apiger yoy antokaman a gawaen yo, lapud say Katawan a Dios tayo et ag to labay so pamikewet ed katunongan, odino say panaglabi, odino say pangawat na pasoksok.”

1 Pedro 1:17

Say Dios anggapoy lalabien to. Sintinsiaan toy balang sakey onung ed saray ginagawa to; tan lapud tatawagen yo na Ama, nepeg yon pagalangan legay panayam yo a sangkaili diad tapew na dalin.

COLOSAS 3:25

Say manggaway kaogsan awaten toy bayar na maoges a ginagawa to; ta diad arap na Dios, anggapoy pandomaan na amin a katoowan.

Marcos 12:14

Inmasingger irad kinen Jesus tan kuanda, “Maistro, kabat min tua ya amin so ibabagam. Aliwa kan manangibiig, ta nampaparay pangipapasen mod amin a totoo. Ibabangat mo ray totoo no antoy linawa na Dios nipaakar ed sikara. Ibagam pad sikami, sumpad Ganggan kasi so pambayar na buis ed Impirador na Roma? Mambayar kamiy buis odino andi?”

1 Timoteo 6:15

Ompanengneng no asabi lay oras ya ingganay Dios, a sikato labat so masanton Manoley, Ari da ray arari, tan Katawan da ray kakatawan.

Exodo 23:8

Ag kayo mangaawat na pasoksok, ta say pasoksok bulagen to so too, kanyan ag to la nanengneng so katonungan, tan deralen to so kanepegan da ray anggapoy kasalanan.

Deuteronomio 1:17

Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.’

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Deuteronomio 24:17

“Ag yo pipikeweten so katunongan da ray sangkaili tan saray olila; tan ag yo aalaen so kawes na biin balo a kaletan na utang tod sikayo.

Deuteronomio 27:25

“‘Napelag komun so samba na Dios ed siopaman a mangawat na kuarta a bayar na pamatey tod toon anggapoy kasalanan.’ “Insan onebat iray amin a totoo, ‘Amen!’

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Isaias 37:16

“O Makapanyarin-amin a Katawan a Dios na Israel, manyodyorung kad tagey da ray kirubin, bukor moy Dios a manooley ed amin a nanarian diad mundo. Pinalsam so tawen tan dalin.

Daniel 2:45

Anengneng mo no panon a ginmoray imay baton baleg a nanlapud palandey tan tinmolin ed samay talintaon balatyang, gansa, dalin, pilak, tan balituk. Say matalonggaring a Dios impaamta to, Kagalang ya Ari, so nagawa ed arapen a panaon. Sikato ya so tuan kinogip mo tan say petepeteg a kabaliksan to.”

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.