Deuteronomio 10:11 - Maung A Balita Biblia

¹¹ Insan imbaga tod siak ya ipangulo to kayo, pian nakayaryan yo so dalin ya insipan ton iter ed saray lalaki yo.

Maung a Balita Biblia

¹¹ Insan imbaga tod siak ya ipangulo to kayo, pian nakayaryan yo so dalin ya insipan ton iter ed saray lalaki yo.

Deuteronomio 10:11 Referans Kwoze

Exodo 33:1

Say Katawan kuantod kinen Moises, “Taynan yo yan pasen, sika tan saray totoo ya impaway mod Egipto, ta laka yod dalin a sinambaan kon iter ed kinen Abraham, Isaac, tan Jacob tan diad saray kabyangay boleg da.

Exodo 32:34

Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.”

Deuteronomio 10:10

“Apataploy agew tan labi a nanayam ak ed tagey na palandey, a singa samay ginawak nen inmonan inyakar ko. Dinengel ak ni na Katawan tan inmabubon ya ag to kayo pateyen.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Deuteronomio 1:8

Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.’”