Biblia Todo Logo
Bib sou entènèt

- Piblisite -




Deuteronomio 1:7 - Maung A Balita Biblia

7 Alis kayo la tan laka yod kapokdulan a dalin da ray Amorreo tan diad saray kaliber-liber a pasen—diad Patar na Jordan, diad kapokdulan tan saray abeban pasen, diad niabalaten a pasen, tan diad gilig na Mediteraneo. Laka yod dalin na Canaan tan tuloy kayod labas na Kapalandeyan na Libano ya anggad baleg ya Ilog na Eufrates.

Gade chapit la Kopi

Maung a Balita Biblia

7 Alis kayo la tan laka yod kapokdulan a dalin da ray Amorreo tan diad saray kaliber-liber a pasendiad Patar na Jordan, diad kapokdulan tan saray abeban pasen, diad niabalaten a pasen, tan diad gilig na Mediteraneo. Laka yod dalin na Canaan tan tuloy kayod labas na Kapalandeyan na Libano ya anggad baleg ya Ilog na Eufrates.

Gade chapit la Kopi




Deuteronomio 1:7
19 Referans Kwoze  

Amin a dalin a nabatak yo et kayaryan yo. Say dalin yo et sakopen to so manlapud kalawakan diad abalaten ya anggad Kapalandeyan na Libano diad baybay, tan manlapud Ilog na Eufrates diad bokig ya anggad Dayat na Mediteraneo diad sagur.


Adakep nen Josue so intiron dalin. Tinalo to ray arari ed kapokdulan a pasen, diad nibokig a palasur, tan diad nisagur ya alusadsar, ontan met ed ampetang a pasen diad abalaten. Anggapoy intilak ton mabilay; pinapatey ton amin iray totoo ed sarayan pasen. Sikato ya so ingganggan na Katawan a Dios na Israel.


“Balet, totook, sikayo so makasengeg no akin et sigput kon dineral iray Amorreo, totoon singa kiew a sidro so kabaleg da tan singa kiew a robli so kabiskeg da.


Insoblay nen David a dinogpaan si Ari Hadadezer na Seba, diad asingger ed lugar na Hamat, nen si Hadadezer et labay ton iletneg so pakaoley tod dalin a kaabay na Ilog na Eufrates.


Dakerakel iray ayayep dad dalin na Galaad, kanyan nanayam irad bokig na kalawakan ya anggad Ilog na Eufrates.


Insan to tinaloy ari na Zoba a si Hadadezer a lakin anak nen Rehob, legan ya oonlay Hadadezer a mamapawil na pakaoley tod dalin a kaabay na Ilog na Eufrates.


No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”


Saray ketegan na dalin yo et manlapud kalawakan ed abalaten ya anggad Kapalandeyan na Libano diad baybay; manlapud baleg ya Ilog na Eufrates diad bokig, beltangen toy dalin da ray Heteo, ya anggad Dayat na Mediteraneo diad sagur.


Balet say dalin a ngalngali yo la looban et kapalandeyan tan kapokdulan, sakey a dalin a sasalogen na oran.


Ipasabik iray ketegan na dalin yo manlapud Dayat ya Akaba ya anggad Ilog na Eufrates, tan manlapud Dayat na Mediteraneo ya anggad kalawakan. Paoleyan kod sikayo ray amin a totoon manaayam ed dalin na Canaan tan pagiten yo ra legan na pankukurang yo.


Inkuanto may bosis ed kumanem ya anghil a walay trumpita, “Ibolus mo ray apatiran anghil ya abalur ed baleg ya Ilog na Eufrates.”


Manlapud man, tinmonda-tondan nanaayam ed nandoroman pasen ya anggad akasabid bandad abalaten a parti na Canaan.


“Ginawa tayo so ingganggan ed sikatayo na Katawan a Dios tayo. Tinaynan tayo so Palandey na Sinai tan bineltang tayoy maawang tan makapataktakot a kalawakan diad inyakar tayod kapokdulan a dalin da ray Amorreo. Nen asabi tayoy Cades-barnea,


kanyan ginapwan day onkurang manlapud Kalawakan na Sinai. Samay lorem tinmonda ed kalawakan na Paran.


Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.


Swiv nou:

Piblisite


Piblisite