Deuteronomio 1:38 - Maung A Balita Biblia

³⁸ Balet pabiskeg moy linawa na katulongan mon si Josue a lakin anak nen Nun. Ipangulo to ray Israelita ed panakop dad dalin.’

Maung a Balita Biblia

³⁸ Balet pabiskeg moy linawa na katulongan mon si Josue a lakin anak nen Nun. Ipangulo to ray Israelita ed panakop dad dalin.

Deuteronomio 1:38 Referans Kwoze

Deuteronomio 3:28

Bilin mo si Josue. Pabiskeg moy linawa to, lapud sikatoy mangipangulo ed saray totoo diad ibaliw dan manakup ed dalin a nanengneng mo.’

Saray Bilang 14:30

Insipan ko a panayamen ta kayod man, balet anggapo la natay makapanayam diman likud ed kindi Caleb tan Josue.

Probirbio 22:29

Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

1 Samuel 16:22

Insan si Saul impaikuan tod kinen Jesse, “Labay koy David. Iyabuloy mon manayam la dian manlingkur.”

Deuteronomio 31:23

Insan say Katawan akisalitad kinen Josue a lakin anak nen Nun tan inkuantod sikato, “Pabiskeg moy linawam tan manmatalek ka. Ipangulom iray Israelita ya onlad dalin ya insipan kod sikara, et olupen ta ka.”

Deuteronomio 31:14

Insan say Katawan kuantod kinen Moises, “Antiktikey lay pambilay mo. Tawag moy Josue ta itagar mod mad Tulda pian nabilin ko.” Linma sirin ed Tulda si Moises tan si Josue,

Saray Bilang 26:65

Imbaga la na Katawan ya ompatey iran amin ed kalawakan likud ed kinen Caleb a lakin anak nen Jefone tan si Josue a lakin anak nen Nun. Inatey iran amin a tua likud ed saramay duara.

Saray Bilang 14:38

Diad saramay labinduan ispia di Josue tan Caleb labat so akapaliis ed patey.

Saray Bilang 13:16

Sikara yay ispian imbaki nen Moises a mannengneng ed dalin. Sinalatan to na Josue so ngaran nen Oseas a lakin anak nen Nun.

Exodo 33:11

Say Katawan misalita sirin a lupa-lupaan ed kinen Moises, a singa pisalita na sakey a too ed kaaro to. Insan si Moises ompawil ed kampo. Balet say katulong ton tobun-balon laki a si Josue ya anak nen Nun et manayam ed dalem na Tulda.

Exodo 24:13

Namparaan si Moises tan si Josue a katulong to; si Moises ginapwan toy kinmalab ed masanton palandey.

Josue 1:1

Kayariy impatey nen Moises ya aripen na Katawan, say Katawan akitongtong ed kinen Josue a lakin anak nen Nun tan katulong nen Moises.

Saray Bilang 34:17

“Si Eleazar a pari tan si Josue a lakin anak nen Nun so mangapag na dalin ed saray totoo.

Josue 11:23

Adakep nen Josue so intiron dalin, onung na ingganggan na Katawan ed kinen Moises. Inter nen Josue so dalin ed saray Israelita; inaapag tod balang tribu. Tinmonda ray bakal kanyan nainawaan iray totood Israel.

Jeremias 40:10

Manayam ak ed Mizpa tan siak so mangilaman ed sikayo no onla ra diay taga Babilonia. Balet sikayo nayarian yoy manala tan mangisinup na alak, bunga na saray tanaman, tan say larak na oliba. Nayarian yoy manayam ed saray barion asakop yo.”