Deuteronomio 1:28 - Maung A Balita Biblia

²⁸ Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Maung a Balita Biblia

²⁸ Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!

Deuteronomio 1:28 Referans Kwoze

Saray Huis 1:20

Onung na ingganggan nen Moises, niiter so Hebron ed kinen Caleb ya amataynan ed siudad na taloran boleg a si Anak so sengeg da.

Josue 15:14

Pinataynan nen Caleb iray kabyangay boleg nen Anak—saray boleg di Sesai, Ahiman, tan Talmai.

Josue 14:8

Balet saramay lalakin kaibak a nanispia pinatakot da ray totoo. Siak balet matoor kon inonur so Katawan a Dios ko.

Josue 11:22

Anggapoy atilak ya Anakim ed dalin na Israel; balet wala ray pigaran atilak ed Gaza, Gat, tan Asdod.

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Isaias 13:7

Nalaylay iray amin a taklay, tan ombetel so linawa na balang sakey a too.

Saray Huis 1:10

Linma ran akibakal ed saray Cananeon manaayam ed siudad na Hebron a tatawagen nen saman na Kiryat-arba. Tinalo dad man iray boleg di Sesai, Ahiman, tan Talmai.

Josue 2:24

tan inkuanda, “Anggapoy duaruwa min say Katawan inter tod sikatayo man ya intiron bansa. Natatakot ed sikatayo iray amin a totood man.”

Josue 2:11

Kadngel mid saman a balita ataktakot kami; kinmapoy so linawa mi lapud sikayo. Say Katawan a Dios yo, et Dios ed tawen tan diad tapew na dalin.

Josue 2:9

kuantod sikara, “Amtak ya inter ed sikayo na Katawan yan dalin. Natatakot ed sikayo ya amin iray tood sayan bansa.

Deuteronomio 20:8

“Saray opisyal ikuanda met ni ed saray totoo, ‘Wala diad sikayo so apatalaw toy linawa to tan antakot? No wala, nepeg ya onsempet. Ta no ag onsempet, patalawen to met so linawa da ray arum.’

Exodo 15:15

Ataktakot iray pangulo na Edom; manggiwgiw iray makapanyarin totoo na Moab; nakalan na biskeg na linawa iray Cananeo.

Genesis 11:4

Insan inkuanda, “Mangipaalagey tayoy sakey a siudad a walay tori ton toktokdulen toy tawen, pian ombantug itayo ta ag la pigan nikaykayat itayod intiron mundo.”

Deuteronomio 1:29

“Balet inkuankod sikayo, ‘Ag kayo natatakot ed saraman a totoo.

Deuteronomio 2:10

Nen saman nanayam ed Ar iray makapanyarin poli na alan a tatawagen ira na Emim. Ankakabaleg iran singa saray Anakim a sananey a poli na alan.

Deuteronomio 7:17

“Ag yo ibabagad sikayon dili a sarayan totoo et dakel ira nen say sikayo kanyan ag yo ra napataynan.

Deuteronomio 20:20

Nayarin batangen yo ray kiew ya ag naakay bunga ra tan ikana yo rad iloob yod siudad anggad pakadakep yo.