Daniel 9:18 - Maung A Balita Biblia

¹⁸ Dengel mo kami pa, O Dios; nengneng mo kami tan imanom so gunigon mi tan say paniirap na siudad ya atawag ed ngaran mo. Mampipikasi kamid sika, aliwan lapud matonung kami no ag ingen lapud mapangasi ka.

Maung a Balita Biblia

¹⁸ Dengel mo kami pa, O Dios; nengneng mo kami tan imanom so gunigon mi tan say paniirap na siudad ya atawag ed ngaran mo. Mampipikasi kamid sika, aliwan lapud matonung kami mo ag ingen lapud mapangsi ka.

Daniel 9:18 Referans Kwoze

Isaias 37:17

Imanom pa, Katawan, so nagagawad sikami. Dengel mo pan amin iray salitan pamapabaing nen Senakerib ed sika, Dios a mabilay.

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 25:29

Igapok ed dilin siudad ko so panderal. Abaloan da amon ag ira nadusa? Nadusa ra, ta ipadalan koy bakal ed amin a katoowan diad tapew na dalin. Siak, say Katawan, so nansalita.

2 Saray Arari 19:16

Imanom pa, Katawan, so nagagawad sikami. Dengel mo pan amin iray salitan pamapabaing nen Senakerib ed sikan Dios a mabilay.

Ezekiel 36:32

Israel, labay kon ipaamtad sika ya aliwan sikay makasengeg na panggagawaan kod saya. Labay kon nabaingan tan napaabeba ka lapud saray gagawaen mo. Siak a Katawan a Dios so nansalita.”

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

1 CORINTO 1:2

Diad iglisia na Dios a walad Corinto, diad amin da ray tinawag na Dios a magmaliw a masanton totoo to, diad panamegley na pikakasakey ed Cristo Jesus, ontan met a diad saray amin a totood inerman a pasen, saray ontatawag ed ngaran na Katawan dan Jesu-Cristo a Katawan tayo met:

Jeremias 37:20

Kanyan natan, Kagalang kon Ari, kerewen kod sika a dengel mo ak pa, tan iter moy kerewen ko. Ag mo ak pa la ipapawil ed prisowan diad abung nen Jonatan. Ta no ipawil mo ak, andi-saew ya ompatey ak lad man.”

Jeremias 14:9

Akin et singa ka toon abiglaan, singa sakey a sondalon ag makatulong? Andi-duaruwan wala kad sikami, Katawan! Sikami ray totoom; ag mo kami pa ikakaindan.’”

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

1 Saray Arari 8:29

Bantayan mo pad agew tan labi yan Timplo, say pasen a pinilim a pangigalangan ed sika. Dengel mo ak pa sirin legan kon mampipikasi ya akaarap ed sayan Timplo.

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Isaias 64:12

Katawan, ag natenyeg so pusom lapud saraya? Anggapoy gawaen mo tan panirapen mo kami na mapalalo?

Saray Salmo 116:1

Inarok so Katawan, ta derengelen to ak; derengelen to ray pikakasik.

Daniel 9:7

O Katawan, matonung lawas so gagawaen mo, balet impelag miy sikamin dili ed kababaingan. Tua ya ed amin min manaayam ed Juda tan diad Jerusalem; tua met ya ed amin da ray Israelitan inkakayat mod saray bansan walad arawi odino asingger lapud aliwa ran matoor ed sika.

Saray Bilang 6:27

Insan say Katawan kuanto, “No ibalikas day ngaran ko a pamindision ed saray totood Israel, bindisionan ko ra.”

Saray Salmo 25:6

Katawan, nunot mo pay panangasim tan say ag mangoman a panangarom ya abayag mo lan impanengneng.

Isaias 43:7

Sikaray dilin totook, tan pinalsak ira a mangiter ed siak na kagalangan.”

Ezekiel 36:22

“Natan sirin, salitam ed saray Israelita yan ibabagak ed sikara, siak a Katawan a Dios: Say gawaen ko et aliwan sikayoy makasengeg, Israelita, no ag ingen say masanton ngaran ko ya impelag yod kababaingan diad iner man a bansan nila yo.