Daniel 9:17 - Maung A Balita Biblia

¹⁷ O Dios mi, dengel mo pay pikakasik tan say kerew ko. Ipawil mo pad gendat a kipapasen so Timplom ya aderal, pian naamtaan da a sika so Dios.

Maung a Balita Biblia

¹⁷ O Dios mi, dengel mo pay pikakasik tan say kerew ko. Ipawil mo pad gendat a kipapasen so Timplom ya aderal, pian naamtaan da a sika so Dios.

Daniel 9:17 Referans Kwoze

Saray Salmo 80:19

Papawil mo kami pa, O Katawan a Dios a Makapanyarin-amin. Ipanengneng mo pad sikami so panangasim, et nilaban kami!

Saray Tagleey 5:18

lapud anggapo lay onkitakitaw a too ed Palandey na Sion, tan saray asod katakelan so akar-akar lad saray deral-deral to.

2 CORINTO 1:20

ta sikatoy pakasumpalay amin a sipay Dios. Sikato yay makasengeg, a diad panamegley nen Jesu-Cristo, nayarian tayon ibagay “Amen” a pamagalang tayod Dios.

Saray Salmo 80:7

Papawil mo kami pa, O Dios a Makapanyarin-amin! Ipanengneng mo pay panangasim ed sikami, et nilaban kami!

Saray Salmo 80:3

Papawil mo kami pa, O Dios! Ipanengneng mo pad sikami so panangasim et nilaban kami!

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

Juan 16:24

Anggad natan ag kayo ni kinmerew na antokaman ed ngaran ko. Kerew kayo et makaawat kayo, pian magmaliw a nagnap so liket yo.”

Daniel 9:19

Katawan, dengel mo kami pa. Katawan, pirdona mo kami pa. Katawan, talineng mo kami pa tan galaw ka pa! Ag ka pa manaabala, O Katawan, pian naamtaan na amin a totoo a sika so Dios! Kayaryan mo yan siudad tan sarayan totoo.”

Saray Salmo 119:135

Ibindision mo pad siak so kiwawalam; ibangat mo pad siak iray ganggan mo.

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Saray Salmo 67:1

O Dios, kasian tan bindisionan mo kami pa; osdungan mo kami pan abageyen,

Saray Salmo 4:6

Dakel iray mampikasi: “Itdan mo kami pay lalon dakel a bindision! Mapangasin osdungan mo kami pa, O Katawan!”

Nehemias 1:6

Imano mo ak pa, Katawan, tan talineng mo ak pa ed agew-labin pangipipikasik ed saray aripen mo a totood Israel. Ipatuak a nankasalanan kami, sikamin totood Israel. Nankasalanan ak tan saray lalakik.

Isaias 48:11

Lapud siak so makasengeg na panggagawak ed gagawaen ko— ag ko abuloyan a nalemlemew so ngaran ko odino abuloyan koy siopaman a minabang ed kagalangan a siak labat so akankayaryan.”

1 Saray Arari 8:28

Katawan a Dios ko, dengel mo pay pikakasik tan saray kerew ko natad sayan agew, siak ya aripen mo.

Saray Salmo 67:2

pian naamtaay intiron mundo so linawam; pian naamtaay amin a bansa so panangilaban mo.

Saray Salmo 74:3

Batak mo pa ra yay amin ya aderal-deral; dineral na saray kalaban mi iray amin a walad Timplo!

Saray Salmo 80:4

Kapigan, O Katawan a Dios a Makapanyarin-amin, so pangangga na pasnuk mod pikakasi da ray totoom?

Saray Tagleey 3:56

Dinengel mo ak nen kinerew kod sikan talinengen moy kerew ko.