Daniel 9:16 - Maung A Balita Biblia

¹⁶ Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.

Maung a Balita Biblia

¹⁶ Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.

Daniel 9:16 Referans Kwoze

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Daniel 9:20

Intuloy ko so nampikasi; impatwak iray kasalanan ko tan saray kasalanan da ray totook ya Israel, tan kinerew kod Katawan a Dios ko ya ipawil to la komun ed gendat a kipapasen so masanton Timplo to.

Saray Salmo 31:1

Onsisingger ak a papaiyagel ed sika, O Katawan; ag mo pan balut iyaabuloy a natalo ak. Matonung kan Dios, ilaban mo ak, pikasik ed sika!

Saray Salmo 79:4

Luludlureyen da kami ray kakaabay min bansa; elek-elekan tan balbalawen da kami.

Saray Salmo 71:2

Lapud matonung ka, tulongan tan iyagel mo ak pa. Dengel mo ak tan ilaban mo ak pa!

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

2 TESALONICA 1:6

Gawaen na Dios so manepeg: kairapan so ibales tod saray mamapairap ed sikayo.

Ezekiel 5:14

Balawen tan arawian kayo na balang sakey ya ondalan a toon taga saray bansan walad kaliber-liber yo.

Jeremias 32:32

lapud amin a kaogsan a ginagawa da ray totood Juda tan Jerusalem, pati saray arari tan saray pangulo ra, saray papari ra tan saray propita ra.

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

Saray Salmo 143:1

Dengel mo pay pikakasik, Katawan. Lapud matonung ka dengel mo pay pikekerew ko; lapud matoor ka ebatan mo ak pa!

Saray Salmo 41:13

Idayew yoy Katawan a Dios na Israel! Idayew yo ya anggad angga! Amen! Amen!

Nehemias 9:8

Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

1 Samuel 2:7

Pagmaliwen ton mairap-bilay iray arum tan mayaman iray arum; paabebaen tod kipapasen iray arum tan paatageyen to ray arum.

Saray Salmo 85:4

Papawil mo kami pad sika, O Dios a manangilaban mi, tan tondaan mo pa lay ag mo pakaliliket ed sikami!

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Jeremias 32:31

Impanpasnuk to ak na mapalalo yan siudad nanlapu lad agew na inkipaalagey to. Ginetmak lan paandipaten,

Daniel 11:45

Ilira to ni ingen iray ankakabaleg a tulda ton ayamay ari diad nanleetan na dayat tan palandey a panalalageyan na Timplo. Balet ompatey so ari na Siria, ya anggapod man so siopaman ya ontulong ed sikato.”

Saray Salmo 89:51

Katawan, papabaingan na saray kalaban mo so pinilim ya ari! Nileleglemew da ya anggan iner so laen to.

Ezekiel 22:4

Nankasalanan kad saraman ya impanpapatey mo tan adotakan ka lapud saraman a talintaon ginagawam, kanyan onsasabi lay agew mo, sinmabi lay panaon mo! Lapud saya inabuloyan kon ludlureyen tan balbalawen ka na amin a bansa.